Авантуристот Бер Грилс споделува трикови како да се преживее во пустина и што да направите ако ве проголта „жив“ песок

Ако има некој кој може да се ослободи од леплива ситуација, тоа мора да биде Беар Грилс. Тој за чудо преживеа минувајќи низ река во џунгла која беше во полна со кал и имаше мноштво ситуации на неговата експедиција на Монт Еверест со Спенсер Метјус, па затоа знаеме дека е и повеќе од способен.

Но, ако ви треба доказ за неговата моќ во ситуации на живот или смрт, оваа снимка ќе го направи тоа. Се подразбира, не ги пробувајте овие работи дома – или ако некако се најдете среде пустината Сахара.

Додека ја снимаше својата легендарна серија „Човек против дивината“ во пустина изгорена од сонцето во Северна Африка, Грилс реши да се стави себеси на тест и да види дали може да се справи со ситуацијата.

Британскиот авантурист (50) објасни дека иако тоа може да биде исклучително тешко, најважното нешто што можете да го направите во ваква ситуација е да останете смирени и да ја зачувате вашата енергија.

„Малите пустински извори излегуваат на површината – но немојте да се залажувате, ова може да биде смртоносен жив песок за кој е познато дека голта возила со цели луѓе внатре“, им рече тој на гледачите. „Ако паднете во ова ќе бидете во голема неволја. Но, јас ќе ви покажам како да излезете живи оттука“, рече преживувачот.

Грилс објасни дека колку повеќе се борите против живиот песок, толку повеќе тој „ве вовлекува“.

Грилс рече дека спротивно на популарното верување, луѓето не умираат кога ќе се заглават во живиот песок затоа што ги „проголтал“, туку затоа што едноставно не можат да избегаат од него. Другиот „убиец“ на кој ги предупреди луѓето да бидат претпазливи е жешкото сонце – тоа може брзо да ве направи уморни. Тој ги потсети луѓето да бидат „смирени“ и да не се „борат“ против влечењето на живиот песок, бидејќи тоа само ќе ја влоши ситуацијата.

Доколку сакате добра акција или пак забегани и жестоки случки само за најхрабрите читатели, тогаш посетете го каналот Жестоко. Предупредување: Содржините може да ве вознемират!