Оптичка илузија: Слика од Земјата која збунува милиони. Што гледате на неа?

Збунувачката слика заработи над 4,4 милиони прегледи на Твитер каде што беше споделена.

На почетокот, фотографијата изгледа како Земјата, поставена на ѕвезденото ноќно небо. Тоа потсетува на логото на Universal Pictures или снимка што би ја виделе во филмот „Војна на ѕвездите“ непосредно пред два брода да минат со голема брзина додека се разнесуваат меѓусебно со ласерски оган. Сепак, Земјата на фотографијата не е планета, а ѕвездите на ноќното небо воопшто не се ѕвезди.

„Оваа фотографија е уште еден пример за тоа како оптичките илузии ве лажат. Прво гледате слика на Земјата од вселената, а потоа…“ – пишуваше на објавата.

„Тогаш што?“ – прашуваа луѓето.

Ако го читате ова на паметен телефон и го ротирате, ќе забележите дека она што изгледаше како ѕвезди е хоризонт со неколку високи згради. Она што изгледаше како Земјата е всушност облаци некаде околу зајдисонце или изгрејсонце.

Твитот е убедлив пример за тоа како нашиот ум може да нè измами и дека нашиот прв впечаток за нешто можеби е неточен.