Зачувајте ги јајцата свежи и до три месеци, при што ќе бидат „совршено јадливи“, со само еден едноставен начин на складирање

Јајцата од супермаркетите доаѓаат со ознака дека е најдобро да се користат до 28 дена од денот на нивното пакување, но секако ако се лошо спакувани или транспортирани рокот може да биде и многу пократок.

Иако слушнавме за многу трикови како да ги одржуваме јајцата свежи долго по датумот на картонот низ годиниве, има трик кој е многу популарен меѓу морнарите за кој можеби не сте слушнале досега.
На еден онлајн форум за морнари и крузери, лицето „RaymondR“ објави: „Вазелин, пробав и ги премачкав јајцата со вазелин и изгледа дека функционира. Ги оставив околу три месеци и кога ги искршив и направив изматени јајца, изгледаа совршени за јадење“.

Излегува дека овој трик од старата школа постои со векови, но не е толку вообичаен во денешно време. Сепак, морнарот Мајкл Харпур изјави: „Јајцата се „гасат“ кога ќе оксидираат, т.е. воздухот продира во заштитната обвивка. Желето од вазелин додава уште една заштитна обвивка за да го спречи ова, а истовремено да го спречи испарувањето“, рече тој.

„Јајцата обложени со вазелин ќе се чуваат со месеци, но на крајот ќе имаат лош вкус по неколку месеци“.

Во меѓувреме, според официјалните совети од Агенцијата за стандарди за храна, за да ги одржувате вашите јајца свежи, треба да ги чувате на „ладно суво место“, или уште подобро, да ги ставите во фрижидер на сигурна температура.