Нов неверојатен изум го затресе светот на технологијата: „WaterCube“ може да направи вода од воздух и ќе ви ги тргне сметките за вода од животот

Ново парче технологија привлече големо внимание на овогодинешната саемска конвенција CES во Лас Вегас, а тоа е „WaterCube“ на „Genesis Systems“. Тоа е домашен и канцелариски апарат кој е со големина на фрижидер и може да произведе до 100 литри вода дневно само од воздух. Тоа е количината на вода што ја користи типично семејство од 4 члена.

Количината на вода што може да ја произведе зависи од нивото на влажност, но „Genesis Systems“ вели дека може да создаде вода дури и во суви средини. Слично како што соларните панели обезбедуваат енергетска независност, ова го прави истото и за водата.

„Нашата прва мисија е одржливо да го решиме глобалниот недостиг на вода“, рече Дејвид Стакенберг, кој го основал „Genesis“ заедно со неговата сопруга Шенон, за „Techxplore“. „Откако ќе го вклучите ова во вашата куќа… можете да се исклучите од градсиот водовод“.

„Еден од предизвиците со кои се соочуваме, во смисла да го направиме човештвото одржливо, се работите што ни се потребни за живот“, рече тој, според „Techxplore“.

„Покрај воздухот, водата е најважна работа“.

„WC-100 WaterCube“ е висок помалку од 1 метер и ќе чини околу 20.000 долари за однапред направена нарачка. Значи, иако можеби немате повеќе сметка за вода, ќе имате прилично скапа месечна рата за плаќање на „WaterCube“.

Но, штом ќе го исплатите, вашата вода станува бесплатна се додека го поседувате апаратот.