Наставничка која беше пронајдена полугола со 17-годишен ученик, се жали дека „не ја канат на забави“ по осудата

Наставничка по име Епи Спрaнг Дaвсон беше пронајдена делумно разголена со 17-годишен ученик во нејзиниот автомобил по една божиќна забава. Таа вели дека е „стигматизирана“ по нејзината осуда. Инцидентот се случил во Дамфрис во декември 2012 година, кога таа имала 26 години, а ученикот 17. Иако нивната врска не била незаконска, Давсон беше обвинета за „злоупотреба на доверба,“ што го призна на суд.

Давсон не отиде во затвор, но ја загуби работата, доби шест месеци општокорисна работа и беше ставена на списокот на сексуални престапници на шест месеци.

Сега, на 38 години, таа води добротворна организација која им помага на луѓето со криминални досиеја да се справат со стигмата и дискриминацијата. Во интервју за BBC Radio Scotland, таа објасни: „Имам осуда за сексуално кривично дело. Бев наставничка и имав врска со 17-годишен ученик, па знам со какви предизвици се соочуваат луѓето кога имаат криминално досие“

Таа додаде: „Не отидов во затвор, но доживеав многу стигма. Имав многу медиумско внимание многу години по мојата осуда, и тоа беше најтешкиот дел за мене. Луѓето со осуда за сексуално кривично дело се соочуваат со најголемата стигма“.

Давсон исто така рече дека нејзиниот личен живот бил погоден, спомнувајќи: „Работи како наоѓање работа или дури и поканување на роденденските забави на пријателите на мојата ќерка станаа тешки“.

На нејзиното судење, судијата рече: „Требаше да предавате, но потклекнавте на искушението. Вашиот брак е завршен, а вашата наставничка кариера е завршена. Ова беше злоупотреба на доверба. Ако не бевте наставник на овој млад човек, немаше да има кривично дело“.

Сега Давсон води добротворна организација наречена „Next Chapter Scotland“, која им помага на луѓето што минале низ кривичниот правосуден систем. На веб-страницата на организацијата, поранешни затвореници ги споделуваат своите искуства.