Познатата 94 годишна баба Лилијан Дронијак ги откри причините зошто го „откачила“ својот последен дечко: „Повторно сум „на пазарот“

Бабата Лилијан, атракција на социјалните мрежи му објави на светот: „Кажете им на вашите дедовци дека повторно сум на пазарот“.

Бабата Лилијан Дронијак, или „баба Д“, била заљубена во нејзиниот поранешен партнер. На почетокот на годината, таа споделуваше клипови од него како ја покрива со ќебе и ѝ помага во болница. Но, како што изгледа, добрите нешта имаат свој крај. Пензионерката сега ги навела сите причини зошто ја завршила врската со дедото, не штедејќи зборови за да ги изнесе сите негови „црвени знамиња“ – од неговите навики за јадење до лошото возење.

Последната капка, наводно, била кога ѝ кажал да замолчи. Бабата објаснува: „Никој не ми кажува да молчам. Тоа не сум јас! Никогаш не дозволувајте маж да ви каже да молчите, бидејќи тоа не е убаво. Тој е Лав – требаше да знам. Тој е лош возач и за малку не загинав, па не планирам повеќе да седам во автомобил со него“.

Лилијан од Конектикат, САД, додава дека не можела да поверува во неговиот лош вкус за музика. „Не ја ни знаеше Тејлор Свифт“, додаде таа. Исто така, не ѝ се допаѓало што е пребирлив кога станува збор за јадење. „Никаде не можев да го однесам“, коментира таа.

Таа, исто така, истакнува дека тој бил „премногу близок“ со својата поранешна партнерка и „никогаш“ не ѝ кажувал дека изгледа добро.

„Секогаш изгледам добро“, вели таа со самодоверба.

„Јас сум поуспешна од него, и не можам да си помогнам“.

Неколку недели по прекинот, интернет сензацијата изгледа како да не жали за својата одлука, велејќи дека сега живее подобро откако е повторно сингл.

Баба Д додаде: „Ова е мојот аутфит откако го оставив дечкото. Сега е сезона на раскинување! Р-А-С-К-И-Н-И, раскини со него! Сингл е подобро. Никогаш не сум изгледала поубаво. Ве сакам!“