Робот кој свири на виолончело и има човечки раце го шокира светот со настапот со симфониски оркестар

Светот на класичната музика беше потресен откако симфониски оркестар настапи со робот кој свиреше на виолончело.

Фановите мислеа дека древната уметност, која со векови се поврзува со делата на Бах, Бетовен и Моцарт, нема да биде засегната од појавата на роботи. Но, шведскиот композитор Јакоб Мулрад ангажираше еден робот како солист.

Роботот го зазеде централното место на сцена за време на изведбата на новото дело на Јакоб наречено Veer, кое се одржа во Концертната сала Малмо во неговата родна земја. Солото на роботот ги воодушеви фановите и останатите музичари.

Јакоб изјави дека сега го гледа виолончелото „на друг начин“, неограничено од способностите на човечки музичар.

Во еден момент, машината – која има раце слични на човечки – случајно произведе хармоничен звук кој композиторот го опиша како „навистина убав“.

„Иако користиме роботи, музиката сè уште има способност да изненадува. Виолончелото стана друг инструмент за мене благодарение на овој робот“ рече тој.

Тој планира да го однесе роботот на турнеја во САД во декември оваа година.