Сон за секој кампер! Луксузниот BRABUS BIG BOY 1200 го носи домот на тркала на сосема ново ниво

BRABUS Masterpiece е вистински луксузен мобилен дом со должина од 12 метри и над 30 квадратни метри за престој, направен за оние што сакаат максимална удобност на патиштата. Овој уникатен дом на тркала има два странични излези што се отвораат автоматски и ја прошируваат спалната соба и дневниот простор до ширина од 4,5 метри. За дополнителна стабилност, возилото се израмнува со помош на хидраулични потпори, овозможувајќи безбеден паркинг на различни терени. Влезната врата има електрични скали што се спуштаат и го олеснуваат пристапот.

Во просторот за спиење се наоѓа брачен кревет од 160 x 200 см, поставен странично, а до него има голем плакар. Напроти креветот се поставени работна маса и 43-инчен 4К телевизор, кој, исто како и телевизорот во дневната, може да се користи за гледање ТВ, играње на Playstation 5, или гледање стриминг преку интернет. Благодарение на Starlink сателитскиот интернет, корисниците можат да сурфаат на интернет и да се поврзат со целиот свет дури и на оддалечени места.

Дневната соба на BRABUS BIG BOY 1200 има две софи обложени со сива кожа, исто како и седиштата во предниот дел на возилото. За поелегантен изглед, во ентериерот се користени црно дрво, алкантара и карбонски детали, кои додаваат спортска нота на ентериерот.

Модерната кујна располага со индукциска плоча, фурна, машина за миење садови и голем фрижидер со замрзнувач. За љубителите на вино и кафе, има посебен вински фрижидер и кафе машина. Просторот за јадење вклучува софа спроти кујната и стилски столчиња, кои заедно со голема маса создаваат елегантна трпезарија што може да послужи и како мобилна канцеларија.

Луксузната бања со природен камен располага со туш од типот „дождовна шума,“ WC и мијалник, сместена помеѓу спалната и дневната област. Возилото е опремено со систем за климатизација и грејач за паркирање, кои овозможуваат пријатни температури преку целата година. За поголема автономија, на покривот има осум соларни панели кои се поврзани со систем за складирање на енергија.

Возачкиот дел е исто така луксузен, со две седишта обложени со сива кожа со „триаголен“ дизајн на шевовите. Над кабината за возачот се наоѓа уште еден кревет широк 160 см, кој се спушта електрично за дополнителен простор за спиење.

Однадвор, BRABUS BIG BOY 1200 е импресивен со својата целосно црна шема на бои и осветлено лого на брендот BRABUS. Фаровите и дополнителното светло на покривната лента се LED, додека страничните и задните светла се исто така модерни и квалитетни.

Овој луксузен моторен дом е опремен со шестцилиндричен турбодизел мотор од 12,8 литри кој испорачува 530 КС и има максимален вртежен момент од 2.600 Nm. Максималната брзина е ограничена на 90 км/ч, со цел да се задржи стабилноста. Трилентната шасија со двојни задни гуми и системот за 360 степени камера овозможуваат сигурно и удобно возење.

BRABUS BIG BOY 1200 е совршено решение за патување со стил и луксуз, нудејќи мобилност и удобност на највисоко ниво.