63 годишен маж е уапсен за кражба на 22 тони луксузно сирење во вредност од 360.000 евра во Лондон

Маж е уапсен под сомнение за кражба на над 900 тркала сирење во луксузна продавница за сирење во Лондон.

На 26 октомври се објави дека тркала врвен чедар биле украдени од Neal’s Yard Dairy.

Детективи што ја истражуваат кражбата на 22 тони сирење од Neal’s Yard Dairy уапсиле маж на возраст од 63 години, под сомнение за измама преку лажно претставување и ракување со украдени добра.

Крадците успеале да ја измамат продавницата за рачна изработка на сирења, претставувајќи се како голем француски трговец. Тие добиле 22 тони врвен чедар во вредност од £300,000 (357,784 евра) од Neal’s Yard Dairy, базиран во Borough Market, а откако сирењето било предадено, откриено е дека целото било измама.

Портпарол на Метрополитенската полиција изјави: „На 21 октомври, понеделник, полицијата доби пријава за кражба на голема количина сирење од производител во Саутворк.

„Истражителите оттогаш уапсија маж на возраст од 63 години, под сомнение за измама преку лажно претставување и ракување со украдени добра.

„Човекот бил однесен во полициска станица во јужен Лондон каде бил испрашан. Оттогаш, тој е пуштен со кауција додека трае понатамошната истрага. Истрагите се во тек.“

Џејми Оливер објави за кражбата на својата Инстаграм страница, пишувајќи: „Во шокантен пресврт на настаните, Neal’s Yard Dairy стана жртва на дрска измама со епски размери. Неверојатни 22 тони врвен чедар, вреден £300,000, исчезнаа, оставајќи ја сиреарската заедница во неверување.“

Не се знае каде завршило сирењето. Еден производител на сирење, чие сирење било украдено како дел од измамата, смета дека можеби се испратило во Русија.

Патрик Холден, сопственик на Hafod Welsh Cheddar, претходно изјави: „Мислам дека планираат да го продаваат на Блискиот Исток или во Русија, тоа е моја претпоставка. Таму никој нема да прашува многу. Ако се обидат да го продадат поблиску до дома, ќе имаат проблем, бидејќи меѓународната заедница на занаетчиски производители е многу поврзана. Ако се обидат да го продадат во Северна Америка, каде што продаваме многу Hafod, или дури и во Австралија, да ви кажам право, брзо ќе се дознае, бидејќи луѓето ќе поставуваат прашања.“