Поради докторска грешка, цели 12 години бил сметан за дебел човек со дијабетес, а всушност во него растел тумор од 30 килограми

Повеќе од една деценија, 59-годишниот оптичар од Норвешка, Томас Краут, бил погрешно дијагностициран како човек со прекумерна тежина. Неговите здравствени проблеми започнале во 2011 година кога стомакот му почнал значително да расте, поради што докторите му дијагностицирале дијабетес тип 2 и дебелина.

И покрај тоа што следел програми за слабеење, земал Оземпик и се подготвувал за гастрична операција, неговиот стомак продолжил абнормално да се зголемува.

Краут, кој се преселил во Норвешка од Германија во 2008 година, живее со сопругата Инес, која работи во здравствениот сектор. До 2019 година, стомакот му бил толку надуен и тврд што почувствувал дека нешто посериозно не е во ред. Сепак, докторите продолжиле да се фокусираат на третман поврзан со дебелина сè додека специјалист, кој го подготвувал за операција, не забележал необична тврдина во неговиот абдомен.

Компјутерската томографија конечно го открила вистинскиот проблем: малигнен тумор од 30 килограми. Овој редок масен тумор нараснал во дијаметар, притискајќи ги неговите органи и дури зафатил дел од неговиот десен бубрег и тенкото црево. Краут бил подложен на комплицирана операција од 10 часа на 26 септември 2023 година, за да му биде отстранет туморот. Иако операцијата била успешна, во неговото тело останале остатоци од туморно ткиво кои се испреплетени со виталните органи, што налага континуирано следење и терапија.

Краут и неговата сопруга поднеле тужба против лекарите кои го занемариле туморот со години. Првично одбиен поради реткоста на туморот, неговиот адвокат поднел жалба, барајќи одговорност за задоцнетата дијагноза.

Доколку сакате добра акција или пак забегани и жестоки случки само за најхрабрите читатели, тогаш посетете го каналот Жестоко. Предупредување: Содржините може да ве вознемират!