Каков е овој нов тренд? Сѐ повеќе девојки одат во Турција за да си направат операција на носот и да личат на Гринч!

Многу познати личности го „откачија“ својот природен изглед и се обраќаат кај турски пластични хирурзи за да ја направат таканаречената „Whoville“ операција на нос.

Токму навреме за празниците, фановите на ринопластиката на д-р Ферда Ерол изразуваат восхит на „TikTok“, откако таа објави видео со трансформација, инспирирана од „Гринч“ и собра милиони прегледи. На видеото, се прикажани визуелните резултати пред и по интервенцијата на Ерол врз пациентката.

Иако некои обожаватели го прифаќаат новиот изглед, критичарите не го задржаа своето мислење. Некои коментираа дека новиот стил изгледа како носот на г-ѓа Пиги или Мајкл Џексон. Независно од реакциите, се чини дека ова е трендот на сезоната, особено во период кога трендовите како „мини“ и „Барби“ носовите ја губат популарноста.

Според Американското здружение на пластични хирурзи, ринопластиката стана популарен избор за млади девојки, делумно поттикната од социјалните мрежи, каде визуелната перфекција поставува високи стандарди. Д-р Род Рорич, пластичен хирург од Далас, објаснува дека платформите како „Инстаграм“ и „Снепчет“ влијаат врз младите умови и ги поттикнуваат кон естетски процедури.

На „YouTube“, д-р Јун, холистички пластичен хирург, ја коментира операцијата на Ерол, велејќи дека пациентката првично имала само мала неправилност на носот. Според него, д-р Ерол ја ротирала горната страна на носот до агол кој значително го надминува идеалниот од 95 до 105 степени, правејќи го носот видливо подигнат на врвот.

Јун истакнува дека е важно за пациентите да изберат внимателно кога станува збор за вакви интервенции.

„Погледнете ги претходните резултати и уверете се дека тие соодветствуваат со тоа што го сакате,“ советува тој.