Елон Маск создава мултимилионски имот во Тексас за своите 11 деца и нивните мајки

Технолошкиот гигант и новиот член на тимот на претседателот Доналд Трамп издвоил значајна сума за да изгради имот во Тексас со површина од 14.400 квадратни метри, каде ќе живеат неговите 11 деца од различни мајки. И покрај тоа што има многу обврски и динамичен живот, основачот на SpaceX и Tesla решил да ги собере сите на едно место, со цел неговите деца подобро да се запознаат и зближат.

Овој нов дом за семејството на Маск, според неофицијални информации, чини околу 35 милиони долари и се наоѓа на само 10 минути пешачење од друг луксузен имот каде Маск обично престојува кога е во Остин, Тексас.

Според магазинот People, Маск има шест деца од првата сопруга, канадската писателка Џастин Вилсон, со која беше во брак осум години. Во 2002 година, парот ја доживеа трагедијата кога го изгубија своето прво дете, Невада Александер, кој почина од синдром на ненадејна смрт на новороденче на само 10 недели. По трагедијата, Џастин го сподели своето искуство и болка во статија за Marie Claire, велејќи: „Ги закопав чувствата… се обидував да се справам со загубата на Невада со тоа што за само два месеца ја посетив клиниката за вештачко оплодување. Со Маск веднаш почнавме да планираме повторна бременост. Во наредните пет години родив близнаци, а потоа тројки“.

Во 2004 година, Маск стана татко на близнаците Вивијан и Грифин, а во 2006 година на тројките Кај, Саксон и Дамиан, сите преку вештачко оплодување. Вивијан, која сега има 20 години, во 2022 година легално го промени своето име и род, и не крие дека е против политичките ставови на Доналд Трамп, кого Маск го поддржа за време на неговата кампања. На платформата Threads, Вивијан изјавила: „Веќе некое време размислувам за ова, но вчера го потврди моето мислење. Не ја гледам својата иднина во САД. Дури и ако тој (Трамп) е на функција само четири години, дури и ако анти-транс регулативите не се спроведат, луѓето кои го поддржаа тоа нема да исчезнат“.

Маск го прошири своето семејство и во врската со музичарката Клер Буше, позната како Грајмс. Парот не се воздржа од креативни имиња за нивните деца. Првото дете, X A-Xii, се роди во мај 2020 година, по што во декември 2021 се роди второто дете, Exa Dark Sideræl, преку сурогат мајка. Во 2022 година, Грајмс и Маск добија уште едно дете, наречено Techno Mechanicus.

Во интервју за Wired во 2023 година, Грајмс, која има 36 години, раскажа дека нејзиниот дом е „помалку конвенционален и повеќе налик на уметнички простор“. На прашањето што смета дека Маск научил од неа, таа одговори: „Можеби да се забавува повеќе. Се обидувам да го олабавам и да ја градиме културата на семејството. А тој ми краде многу мемиња“.

И покрај првичната наводна амбиција да се разделат на добар начин, NBC News извести дека врската меѓу Маск и Грајмс се влошила минатата година, кога Маск наводно не ѝ дозволил на Грајмс да ги види децата.

Маск, исто така, стана татко на близнаците Страјдер и Азур со Шивон Зилис, извршен директор во неговата компанија Neuralink. Нивните деца се родиле во 2021 година, само неколку недели пред раѓањето на третото дете со Грајмс. Оваа година Маск и Шивон, која има 38 години, добија и трето дете, чиј род и датум на раѓање не се објавени.

Според Austin American-Statesman, Шивон и нејзините деца веќе се преселени во новиот имот на Маск во Остин, додека Џастин и нејзините деца се очекува наскоро да се придружат.

Маск е познат по своите ставови за родителството и популацијата. Во еден твит минатиот мај, тој ги охрабри своите следбеници: „Само имајте деца, на еден или друг начин, инаку човештвото ќе згасне во тишина.“ Отворено ги охрабрува луѓето да станат родители и смета дека фамилии со три или повеќе деца се важни за демографскиот раст.

Во политички контекст, новиот претседател Доналд Трамп неодамна ја објави последната функција на Маск — улога во владата. Трамп објави дека Маск, заедно со поранешниот кандидат за претседател Вивек Рамасвами, ќе биде на чело на новосоздаденото „Министерство за владина ефикасност“, кое шеговито го нарекле DOGE, со цел да се направи чест на криптовалутата Dogecoin, која Маск ја обожава.