23-годишна мајка од Африка го огласила и го продала своето осуммесечно бебе на Facebook Marketplace само за да добива 3.200 денари месечно, сега се кае и го бара назад

23-годишна мајка, чие име не е објавено, почнала да се кае откако го продала своето бебе преку платформата Facebook Marketplace. Сега се соочува со обвиненија за трговија со деца поради случката што се одвила во октомври.

Според информациите, мајката се запознала со друга жена преку социјалните мрежи, каде што размениле пораки, а потоа се сретнале во трговскиот центар Soshanguve Plaza, во близина на Преторија, Јужна Африка. Таму, мајката го предала своето дете на жената, која потоа исчезнала со такси.

Мајката, која живее во Мабопане, зажалила за својата одлука само седум дена подоцна и почнала да го бара својот син, пренесува Mirror.

Сепак, купувачката не сакала да го врати бебето. Мајката изјавила за јужноафриканскиот медиум SNL24 дека нејзината одлука била поттикната од финансиските тешкотии.

„Жалам за сè што направив. Го направив тоа од очај. Се борев финансиски за да го издржувам своето бебе. Не сум добро. Го сакам моето дете и сакам да ми се врати“.

Таа продолжи со детали: „Жената живее во близина на Orange Farm во Јоханесбург. Последен пат кога разговарав со неа, ѝ кажав дека се плашам дека ќе бидам уапсена. Сакам да ѝ кажам дека тоа што го направив беше грешка. Не требаше да тргнам по тој пат. Требаше да го предадам своето дете на социјалните служби. Поминав речиси две недели во затвор, и тоа е ужасно место. Таму нема слобода, а јадев само двапати на ден“.

Нејзиниот 25-годишен дечко од Сошангуве изјавил дека бебето е негово, но се сомнева во приказната за продажбата. „Таа немаше пари да се грижи за бебето. Не живеев со неа кога се случи ова. Мислев дека го пратила детето кај своето семејство“.

Портпаролот на полицијата во Гаутенг, капетан Тинтсвало, изјави: „Случај за трговија со деца беше отворен на 19 октомври. Осомничената, мајката на детето, беше уапсена истиот ден и се појави пред Судот во Га-Ранкува на 21 октомври“.

Портпаролот на Националното обвинителство на Северозапад (NPA), Сивенати Гуња, откри: „Се тврди дека таа го огласила своето дете за продажба на Facebook Marketplace, а некоја жена покажала интерес, го земала детето и ветила дека ќе ѝ дава по 1.000 ранди месечно (околу 3200 денари) додека мајката не се опорави. Но, парите не се исплатени и жената не може да се пронајде“.

Мајката е пуштена на кауција, а рочиштето е закажано за 6 февруари следната година.

Доколку сакате добра акција или пак забегани и жестоки случки само за најхрабрите читатели, тогаш посетете го каналот Жестоко. Предупредување: Содржините може да ве вознемират!