Празнично или морничаво? Децата сега ќе можат да разговараат „лично“ со Дедо Мраз, преку телефонски разговор со вештачка интелигенција

Децата оваа сезона можат да добијат телефонски повик од Дедо Мраз, што го прави ова божиќно чудо, вистинско.

Додека децата од минатото само можеле да сонуваат за разговор со Дедо Мраз, сега вештачката интелигенција ја менува нивната празнична магија. Сега, малите можат да испратат список со желби до Северниот Пол, по што Дедо Мраз ќе им се јави со „вистински повик“.

„Гледајте ги лицата на децата како светнуваат додека Дедо Мраз го знае нивното име, желби и омилени нешта во еден-на-еден разговор што никогаш нема да го заборават“, пишува „AI-компанијата SantaPhoneCalls.com“ на својата веб-страница. За 9.95 долари, децата добиваат еднократен повик од Дедо Мраз, додека за 14.95 долари можат да зборуваат со него пет минути и да добијат снимка од моментот за да ја зачуваат магијата за години што доаѓаат. За 19.95 долари, целото семејство може да добие персонализиран повик од Северниот Пол.

Родителите можат да изберат пакет и да пополнат детали за да го персонализираат повикот од Дедо Мраз.

Услугата не користи однапред снимени аудио материјали, туку користи генеративна AI технологија за да овозможи вистински разговори.

„Со користење на најсовремена AI и обработка на природен јазик, создадовме виртуелен Дедо Мраз кој може да комуницира со децата на вистински персонализиран начин“, изјави Брендан Смит, ко-основач на SantaPhoneCalls.com. Тој ја опиша услугата како „многу посебен празничен подарок“ за целото семејство, што им овозможува на сите да ја искусат магијата на Дедо Мраз.

Ова не е првпат вештачката интелигенција да се користи за работата на Дедо Мраз. Минатата година, автоматизираната услуга „Handwrytten“ лансираше посебна верзија за пишување персонализирани писма од Дедо Мраз, доставени со мирис на пеперминт и адреса од 123 „Elf Road“, Северен Пол, 88888.