„Што бара вонземјанин во авион?“ Несекојдневна оптичка илузија ги збуни луѓето на интернет, тврдејќи дека тоа што го гледаат не е од овој свет

Една бизарна оптичка илузија, снимена за време на лет, предизвика огромен интерес и смеење на интернет, оставајќи ги гледачите истовремено збунети и во шок. Виралната фотографија, споделена на X (поранешен „Twitter“) е прегледана повеќе од 25,6 милиони пати, прикажува наводно „страшен“ патник со огромно око што ѕирка кон камерата.

Фотографијата покажува фигура во црна дуксерка, која на прв поглед изгледа како да набљудува морничаво преку количката за пијалаци. Многумина во коментарите ја споредија необичната сцена со сцена од E.T.. „Што бара вонземјанин во авионот?“

Сепак, морничавата слика има сосема друго објаснување. Внимателни гледачи забележаа дека „големото око“ всушност е слушалка во увото на патник кој ја облекол дуксерката обратно, со капата кон лицето. Оптичката илузија претвори еден обичен момент во интернет сензација, при што еден корисник ја разоткри мистеријата: „Тоа е личност со дуксерка облечена наопаку, а црното нешто што личи на око е слушалка“.