Замислете да сте уверени дека сте освоиле лото од 83 милиони евра и после реалноста да ви се удри од глава?

Една жена останала разочарана откако погрешно помислила дека ја освоила главната добивка на лотарија вредна 83 милиони евра, само за да сфати дека направила непријатна грешка.

Аишварја, Австралијанка, разгледувала на Facebook кога налетала на објава за извлекување на лотаријата за која купила билет.

Мислела дека објавата ја повикува да го провери својот билет со бројот 1414 – број што била уверена дека е нејзин.

Возбудена, објавила на TikTok:

„Дечки, само што разгледував на Facebook и срцето ми чука лудо. Го видов Powerball извлекувањето бидејќи бев во Аделаида и купив билет за среќа. И пишува извлекување 1414, а тоа е бројот што победи! Мислам дека само што освоив на лотарија!“

Жената била пресреќна, мислејќи дека освоила 83 милиони евра, и веќе почнала да планира како ќе ги потроши парите. Но, радоста ѝ се претворила во разочарување кога сфатила дека бројот 1414 е само идентификатор на извлекувањето, а не вистинскиот добитен број.

На TikTok ја споделила својата срамна грешка:

„Ова е само бројот на извлекувањето, а не вистинските добитни броеви. Овие се добитните броеви. Толку сум глупава! Бројот 1414 е само бројот на извлекувањето. Следната недела ќе биде 1415.“

Иако се насмеала на ситуацијата, признала дека веќе планирала што ќе прави со добивката: „Сакав да донирам за добротворни цели, да купам куќа и да патувам.“ Дури размислувала да си даде отказ на работа, но среќа што повторно ги проверила бројките.

Нејзината приказна предизвика смеа на TikTok. Еден корисник се пошегува: „Сите сме биле таму, душо.“ Друг додаде: „Тоа е понижувачко искуство.“ А трет со смеа напиша: „ХАХАХА НЕ МОЖЕ ДА Е ВИСТИНА! Јас би молчел неколку дена.“