Главната грешка што луѓето ја прават која доведува до жолти заби, дури и ако ги миете двапати дневно

Сите знаеме колку изгледот на насмевката може да го промени впечатокот за некого, па кога ќе забележите дека забите ви пожолтуваат, иако ги миете редовно, тоа може да биде фрустрирачко.

Иако многумина прибегнуваат кон избелување на забите за да ја постигнат посакуваната белина, што ако сакате да ги задржите природно бели?

Зошто забите пожолтуваат?

Најчестиот виновник за жолтењето на забите е стареењето, што, според експертите од Didsbury Dental Practice, е неизбежно.

Без избелување, забите природно ќе пожолтуваат, дури и ако внимавате на хигиената. Причината е што емајлот (најтврдиот слој на забите) што ги штити забите со тек на време се истенчува, правејќи ги поранливи на боење.

Кај некои луѓе, емајлот природно е потенок, што значи дека забите кај нив пожолтуваат побрзо. Дополнително, фактори како оралната хигиена, исхраната, пушењето и лековите можат да влијаат на забрзување на процесот.

Што предизвикува забите побрзо да пожолтуваат?

Многу луѓе веднаш после појадокот и кафето брзаат да ги измијат забите за да го отстранат вкусот, но тоа може да ја влоши состојбата.

Всушност, треба да почекате најмалку 30 минути пред да ги миете или чистите забите со конец, бидејќи миењето веднаш после јадење ги турка штетните киселини подлабоко во забите.

Поради ова, стоматолозите препорачуваат меки четки за заби наместо средни или тврди, бидејќи потврдите четки можат дополнително да го оштетат емајлот.

Стоматолозите советуваат миење на забите пред појадок, бидејќи бактериите што се наталожуваат во текот на ноќта ќе се хранат со шеќерите од појадокот.

Кои фактори најмногу влијаат врз бојата на забите?

Храна и пијалоци

Одредена храна и пијалаци предизвикуваат пожолтување на забите. На пример, киселите пијалаци како кафе и чај, како и некои храни, можат да остават наслаги на емајлот.

Сокови од овошје, леб, житарки и пецива исто така се штетни за забите, па затоа е важно да ги миете забите пред појадок за да избегнете боење.

Орална хигиена

Редовното миење и чистење на забите со конец двапати дневно е клучно за спречување на наслаги кои го оштетуваат емајлот.

Пушење

Пушењето е штетно за здравјето на срцето и белите дробови, но исто така има големо влијание врз забите. Никотинот и катранот од тутунот се лепат за емајлот и со тек на време предизвикуваат пожолтување.

Лекови

Некои лекови можат да предизвикаат пожолтување на забите. Затоа, секогаш проверувајте ги несаканите ефекти пред да почнете со употреба на одредени медикаменти.