Германија ќе им каже на мигрантите дека мора да ги прифатат локалните културни вредности, а „не обратно“ и ќе ги враќаат сите НЕЕВРОПСКИ бегалци од границата

По падот на коалициската влада предводена од канцеларот Олаф Шолц, централно-десничарската партија, Христијанско демократска унија (CDU), го промовира својот манифест „Leitkultur“, кој се залага за културна асимилација на мигрантите во Германија.

Според Александер Тром, портпарол за внатрешни работи на CDU, странците што живеат во Германија треба да ги прифатат германските јазик, закони и културни вредности. „Leitkultur“ се однесува на германските јазик и обичаи, како и на историските и културните основи на нацијата. „Луѓето кои доаѓаат во Германија треба да се ориентираат кон оваа културна основа, а не обратно“, изјави Тром.

CDU најавува дека, ако победи на изборите, ќе го ограничи приемот на бегалци од неевропски земји, со цел да се справи со притисокот од масовните миграции, особено поради специјалната обврска кон Украина. Германија веќе примила 1.2 милиони мигранти од Украина, што ја прави земјата со најголем број на барања за азил во Европската унија.

Новите мерки предвидуваат: повлекување на бенефициите за азиланти кои се регистрирани во други земји од ЕУ и се наменети за депортација, губење на заштитата за бегалци кои привремено се враќаат во своите матични земји, строги санкции за бегалци кои извршуваат кривични дела со антисемитска или хомофобична мотивација.

Мерките беа воведени како реакција на нападот во Солинген во август, кога 26-годишен сириски државјанин, поврзан со Исламската држава, изврши смртоносен напад. Со овој потег, CDU се надева на подобри резултати на претстојните избори, особено со кампањата на Фридрих Мерц, која вклучува посилен став кон миграцијата и безбедноста.