Неколку повредени откако се откачила забавна атракција во новогодишен парк во Бирмингем

Две лица се пренесени во болница откако се случи несреќа на забавна атракција во центарот на Бирмингем.

Службата за противпожарна заштита на Западен Мидлендс пристигнала на местото на настанот во четврток (12 декември) околу 19:30 часот.

Според нив, забавната атракција „City Flyer“ паднала на земја додека била во функција, при што 13 лица добиле медицинска помош на лице место, а две жени биле пренесени во болница. Од брзата помош изјавиле дека лицата пренесени во болница немаат сериозни повреди.

Портпарол на противпожарната служба изјави: „Околу 19:30 часот во четврток, 12 декември, реагиравме на инцидент во Викторија Сквер, пред Меѓународниот конвенциски центар (ICC) во Бирмингем. Едно противпожарно возило од станицата во Лејдивуд пристигна за нешто повеќе од четири минути. Инцидентот вклучуваше атракција која откажала и се откачила. Атракцијата паднала на земја додека работела. Им помагавме на колегите од брзата помош во лекувањето на неколку лица со повреди кои не се опасни по живот. Едно лице е пренесено во болница, додека останатите добија медицинска помош на лице место и беа пуштени дома“.

Фотографии споделени на социјалните мрежи покажуваат заплеткани жици од две лулашки, додека полицијата работи на местото на настанот.

Доколку сакате добра акција или пак забегани и жестоки случки само за најхрабрите читатели, тогаш посетете го каналот Жестоко. Предупредување: Содржините може да ве вознемират!