Ако мислите дека вашата работа е тешка… Овие луѓе ја работат најсмртоносната работа на светот која може да ви го скрати животот за 30 години или да ве убие моментално! (ВИДЕО)

Можеби мислите дека вашата работа е тешка, но веројатно ќе ја цените повеќе откако ќе видите во каква опасност некои луѓе се ставаат за да заработат за живот.

Дури и авантуристот Дара Тох здивна со олеснување по неговата пробна смена со рударите на сулфур, кои секој ден ги ризикуваат своите животи на планината Ијен во Индонезија.

Овој Јутјубер патува низ светот за да ги истражува „најсмртоносните“, „најпроколнатите“ и „најзаразени“ острови, па неговите следбеници знаат дека може многу работи да издржи. Но, дури и тој „се мачеше“ да издржи обидувајќи се да се вклопи со работниците кои имаат едно од најопасните занимања во светот.

Во своето најново видео, Дара објасни дека летнал за Индонезија со својот пријател и колега креатор на содржини Мет Џејмс за сам да се обиде со рударството на сулфур.

Токсични гасови

Дара објасни дека ќе се спушти до рудникот, кој се наоѓа на дното на вулканот, прикажувајќи ги „неверојатните услови“ во кои работат луѓето.

Првата предизвикувачка пречка со која се соочуваат работниците е постојаниот тек на „гасни облаци“ кои ги опкружуваат, што значи дека гас-маските се неопходен дел од опремата ако сте на смена во Ијен.

„Гасот што ќе го сретнеме е мешавина од сулфурни гасови што доаѓаат од длабочините на вулканот – некои од нив можат да ве убијат моментално. Моравме само да го задржиме здивот и да се надеваме дека ветерот ќе го однесе гасот. Не очекував моите бели дробови да се иритираат, дури ни со гас-маска. Очите ме печат!“ рече Дара.

Вдишувањето на овој токсичен чад е очигледно опасно за луѓето – но тоа не е ни најсмртоносниот дел од оваа работа.

Киселинско езеро

Како сложена замка од Мајката природа, киселинско езеро – признато како најголемото високо киселинско кратерско езеро во светот – лежи на патот до рудникот.

Иако изгледа како идеално место за освежителна бања, оваа течност всушност има опасно висока концентрација на сулфурна киселина – а Дара сакаше да покаже колку е опасна.

Гледајќи кон езерото, тој рече: „Работниците мора да избегнуваат паѓање во езеро полно со киселина. Ова изгледа како вода, но е едно од најопасните киселински езера во светот“.

Тој потоа извади метален клинец врзан за канап и го потопи во езерото на планината Ијен за да покаже зошто е толку смртоносно – и како што сигурно претпоставивте, клинецот веднаш почна да се распаѓа.

„Металот буквално врие! Боже! Ако тоа го прави на метал, замислете што би направило на човек,“ додаде Дара.

„Кошмар“

Оттаму, авантуристот го направи последниот напорен дел од долгото патување за да стигне до рудникот за сулфур.

Објаснувајќи како функционира „најсмртоносната работа на светот“, Дара рече: „Во дното на вулканот се насобира сулфурен гас. Тие воведуваат цевки длабоко во вулканот, и од цевките излегува овој отровен гас – кој потоа се стврднува и создава сулфур.“ Сулфурот е хемикалија што може да се копа само од активни вулкани. Светот го користи сулфурот секој ден – тој се користи во лекови, козметички производи, па дури и батерии.“

Откако ги набљудуваше професионалците како работат, Дара почна сам да ископува сулфур – што тој го опиша како екстремно физички напорно, особено додека сте погодени од „облаци токсичен гас и не можете да дишете.“

Последниот предизвик

Откако ќе ископаат доволно сулфур, работниците го ставаат во кошници направени од слама, кои ги балансираат на дрвен столб преку рамениците.

Потоа започнуваат долг пат нагоре по кратерот – што се покажа премногу за Дара.

„Тие мораат да ја носат тежината на возрасен човек сè до кратерот – обидувајќи се да не се онесвестат, да не паднат или да не вдишат гас,“ рече тој.

По неговата смена, тој рече: „Тоа дефинитивно е една од најтешките работи што сум ги направил. Се обидував повторно и повторно, но на крајот не успеав. Ова е толку тешко. Тоа ме натера да се почувствувам болен. А тие го прават тоа двапати на ден! Неверојатни, неверојатно силни луѓе, за жал експлоатирани со ваква работа“.

Па, од сега па натаму кога ќе прочитате дека има сулфур во нештото одвоете минута благодарност за овие луѓе.

Доколку сакате добра акција или пак забегани и жестоки случки само за најхрабрите читатели, тогаш посетете го каналот Жестоко. Предупредување: Содржините може да ве вознемират!