„Ѝ кажав на ќерка ми да се насмевнува повеќе додека го изведува училишниот настап, но, ова стана мојата НАЈГОЛЕМА родителска грешка“

Една мајка на „ТикТок“, потпишана како @Anniesgotabun, се најде во комична ситуација, откако на својата ќерка ѝ рекла да се насмевне.

Во видеото со наслов „направив грешка“ и хаштаг #parentingfail, таа сподели моменти пред и по финалната проба на училишниот музички настап на нејзината ќерка. На почетокот, девојчето незаинтересирано ги изведувало своите движења. По пробата, мајката – со добра намера, но лошо избрани зборови – ѝ рекла на ќерката: „Пробај повеќе да се насмевнуваш“.

Реакцијата на ќерката била, најблаго речено, незаборавна. За време на вистинскиот настап, таа не само што се насмевнала, туку и демонстративно го сторила тоа со широка, бизарна насмевка, фиксирајќи го погледот директно во очите на мајка си. Резултатот: комична, но јасна порака дека совети од ваков тип не поминуваат лесно.

Видеото го освои интернетот, а гледачите не можеа да го тргнат погледот од ситуацијата. Иако мајката веројатно не го доби посакуваниот резултат, таа научи важна лекција – избегнувајте да им кажувате на вашите деца да прават нешто што тие не сакаат, освен ако не сакате да станете вирална атракција поради непланираната „родителска грешка“.