Зошто едноставна фотографија од куфер на аеродром предизвика паника кај илјадници луѓе?

Илјадници луѓе се „комплетно исплашени“ откако една жена објави фотографија од куфер оставен покрај маса на аеродром.

Малиот, цврст, црн куфер бил оставен само на кратко од неговата сопственичка.

Но, не беше само „осамениот“ куфер тоа што ги исплаши луѓето. Тој исто така имаше мала црвена лента и изгледаше исто како куфер-бомбата од новата Нетфликс драма „Carry-On“.

Временската коинциденција со осамениот багаж дополнително ја зголеми паниката.

Филмот се одвива на Бадник и беше објавен на 13 декември. Фотографијата од куферот е направена на 18 декември, а многумина се согласија дека ситуацијата изгледала „застрашувачки реална“.

Во филмот, млад обезбедувач на аеродром е уценуван од мистериозен патник кој се заканува дека ќе прокриумчари опасен пакет на авион.

Објавата на жената, која беше насловена: „На аеродромот сум и го гледам ова. Не можам да го измислам. Ако знаете, знаете“, собра илјадници реакции.

„Го гледав филмот пред три дена, дефинитивно ќе си одам од тука“, напиша една жена.

„Го гледав синоќа – поминав преку објавата, но веднаш се вратив поради посттрауматски стрес“, додаде друга.

„Ако видите нешто, кажете нешто или објавете нешто… ако го читате ова, веќе е доцна за тие на аеродромот“, напиша трет коментатор.