Жена го отрула дечкото за да му го земе наследството од 30 милиони долари, но останала без ништо кога дознала нешто што баш и не го очекувала

Луѓето често се подготвени да направат сè за огромна сума пари, а кога Стивен Рајли добил е-пошта од адвокат кој му кажал дека го чека наследство, неговиот живот целосно се променил.

Му било кажано дека ќе добие 30 милиони долари наследство од далечен роднина за кого никогаш не слушнал, и Рајли бил возбуден да ја споделил добивката со своите пет синови.

Неговата девојка, Ина Тиа Кенојер, со која бил во врска 10 години, исто така била возбудена.

Но, Кенојер (48) мислела дека може да остане без ништо. Една од пријателките на парот, Тереза Акин, изјавила за полицијата дека Кенојер била лута бидејќи мислела дека Рајли „ќе го земе наследството и ќе ја напушти“, пренесува CBS.

Бидејќи биле заедно 10 години, Кенојер претпоставувала дека би можела да има статус на „невенчана сопруга“ ако тој почине – па решила да го убие и да го земе наследството за себе.

Кенојер одлучила да му стави антифриз во ладниот чај на својот дечко.

На 3 септември минатата година, на денот кога требало да се сретне со адвокатот на блискиот аеродром и да ги земе парите, Рајли отишол таму со својата девојка и некои пријатели, но почнал да се жали на стомачни болки. Здравствената состојба му се влошила, покажувајќи симптоми како пијанство, тешкотии при одење и повраќање.

Кенојер тврдела дека симптомите се поради топлотен удар и дека Рајли „само треба да оди дома и да се одмори“.

На крајот, адвокатот никогаш не се појавил, а наследството од 30 милиони долари се покажало како измама.

Подоцна истиот ден, еден од пријателите го барал Рајли, бидејќи не успеале да најдат записи за негово примање во болница, иако Кенојер тврдела дека е примен.

Кога се вратиле во домот на Рајли, го нашле неподвижен. Иако брзата помош го пренела во болница, тој починал на 5 септември.

Кога разговарала со полицијата за наследството, Кенојер рекла дека таа треба да го задржи својот дел, а остатокот да им го даде на синовите на нејзиниот покоен партнер. Но, тогаш дознала дека законите на Северна Дакота не признаваат „невенчани бракови“, па нема да добие ништо од парите.

Кенојер тврдела дека Рајли пиел значителна количина алкохол, но обдукцијата покажала дека во неговото тело немало алкохол, туку дека починал од труење со етилен гликол (состојка во антифриз).

Но, тоа не било сè. Во гаражата на домот пронашле шише од „Виндекс“ со антифриз, како и пивско шише и пластична чаша со антифриз.

Истражителите исто така откриле дека партнерката на Рајли зборувала за можноста тој да бил отруен со антифриз пред да почине, а обдукцијата го потврдила тоа.

Иако негирала каква било вина и тврдеше дека Рајли „пушел цигара која случајно паднала на антифриз“, Кенојер била уапсена на 30 октомври. Според полицијата во Минут, таа имала „финансиски мотиви за убиството на Рајли“, објави NBC News.

На крајот, Кенојер признала дека му подготвувала ладен чај со антифриз и во мај годинава се изјаснила за виновна за убиство. Во октомври беше осудена на 25 години затвор.

Законот исто така ја обврзал Кенојер да му исплати на семејството на Стивен 3.455 долари за нејзините постапки.

Доколку сакате добра акција или пак забегани и жестоки случки само за најхрабрите читатели, тогаш посетете го каналот Жестоко. Предупредување: Содржините може да ве вознемират!