Светскиот број 1 во пикадо, Лук Хемфрис, открива колку заработуваат играчите на овој спорт: „Може да стигнам и до пола милион без да фрлам стрелка“

Лук Хамфрис, актуелниот светски шампион во пикадо, открива колку може да се заработи во овој спорт, кој станува сѐ попопуларен. Растот на играта го поттикнуваат млади ѕвезди како Лук Литлер, кој, на само 16 години, веќе го импресионира светот со својот талент.

Литлер, четврти на светската ранг-листа, се прослави на Светското првенство во пикадо 2024, каде стигна до финалето со коефициент 66/1, но таму загуби од Хамфрис со 7-4. Неговиот противник, Лук Хамфрис, не само што го порази младиот талент, туку и ја задржа позицијата на врвот на светското пикадо. Иако во финалето на Премиер лигата во пикадо Хамфрис изгуби од Литлер, тој останува меѓу најдобрите.

Гостувајќи на подкастот „JaackMaate’s Happy Hour“, Хамфрис ги откри финансиските придобивки од професионалното пикадо. Тој објасни дека влегол во спортот со помал ризик, бидејќи имал заштеди и работа. На самиот почеток на својата кариера, играјќи против тогашниот светски број два, Роб Крос, заработил 70.000 долари. Следната година, повторно стигнал до четвртфиналето и додал уште 70.000 долари, дополнително зголемувајќи ги своите приходи со победи помеѓу турнирите.

Покрај наградите, спонзорите му носат дополнителен приход. Хамфрис објаснува дека за секој спонзор добива меѓу 5.000 и 10.000 долари, а на неговиот дрес често се собираат 30.000 до 40.000 долари пред воопшто да фрли стрелка.

Споменувајќи го растот на наградните фондови, Хамфрис го опиша денешното плаќање како „лудо“ и „смешно“, додавајќи: „Кога ќе видиш половина милион долари од Светското првенство, тоа е: „Вау!‘“ Со оглед на брзиот развој на пикадото, не е невозможно овие бројки наскоро да достигнат седумцифрени износи.