Застрашувачка симулација: Колку реално е длабок океанот?

Многумина признаа дека добиле фобија за која дотогаш не знаеле откако ја виделе оваа застрашувачка симулација за океанот.

Иако стравот од длабока вода не е нешто невообичаено, обично се однесува на пливање во океанот недалеку од брегот.

Секако, тоа е веќе доволно длабоко, но океанот може да биде многу подлабок.

Толку длабок, што на дното на океанот би можеле да се постават неколку облакодери еден врз друг, а сепак да не ја пробијат површината на водата.

Еден Јутјубер, меѓутоа, ги „преплаши до коска“ луѓето со својата симулација за најдлабокиот дел од морето, откривајќи „нов страв“ дури и кај оние кои досега не се сметале за фобични.

Колку е навистина длабок океанот?

Зак Д. Филмс, познат по создавање на застрашувачки видеа, ја освои публиката со својот приказ за длабоките води.

Тој објасни дека ако највисоката зграда во светот, Бурџ Калифа во Дубаи (висока 828 метри), се постави вертикално за да стигне до локацијата на Титаник, ќе бидат потребни пет такви згради поставени една врз друга.

Титаник лежи на длабочина од 3.700 метри, што е само просечна длабочина на океанот.

Но, најдлабоките делови на океанот се многу подалеку, како Маријанскиот Ров – најдлабоката точка на океанот, кој достигнува длабочина од 10.900 метри.

Тоа е подлабоко од висината на Монт Еверест и дури подлабоко од просечната височина на која летаат комерцијалните авиони (10.668 метри).

Зак објасни дека би биле потребни 13 Бурџ Калифа згради за да се стигне до дното на Маријанскиот Ров – нешто што е невозможно без помош на технологија и долг процес на декомпресија.