365 дена без трошок: 61 годишна жена цела година се хранела со сирова храна, барајќи ја само во локалната шума

Моника Вајлд, 61-годишна мајка со три деца, прифатила необичен предизвик – цела година да се храни исклучиво со сирова храна, без да потроши денар на намирници. Со потрага по храна во радиус од пет километри од нејзиниот дом, таа собирала бобинки, габи и зеленчук, а добивала и дивеч како размена за нејзините градинарски вештини.

Нејзината исхрана вклучувала околу 300 видови зеленчук, зачини од алги и дива храна подготвена на разни начини. Вајлд тврди дека овој експеримент не само што ѝ заштедил пари, туку и го подобрил нејзиното здравје, особено микробиомот.

Инспирирана од семејното минато и времето кога парите биле едвај доволни, Вајлд започнала сериозно да собира храна во 2020 година, што резултирало со напишана книга „Лекот за дивината“. Таа верува дека потрагата по храна е вештина што секој може да ја научи и дека природата нуди изобилство ресурси во сите сезони. Иако сега повремено купува органски производи, најголемиот дел од нејзината исхрана сè уште се заснова на „дива храна“.

Вајлд истакнува дека потрагата по храна е поврзана со безбедноста на храната, особено во време на политички и климатски предизвици.