Тинејџерка доживеала екстремно зголемување на градите по вакцината против КОВИД

19-годишна девојка се соочила со невообичаено зголемување на градите од B корпа на тројно G во период од шест месеци по примањето на вакцината на Фајзер против КОВИД-19, што истражувачите го опишуваат како уникатен случај.

Според извештајот, „здрава млада жена“ почнала да забележува брз раст на градите само една недела по вакцинацијата во септември 2022 година, а состојбата се влошила по примањето на втората доза.

„Пациентката веруваше дека вакцината е причина за растот на нејзините гради, но нејзините грижи не беа соодветно разгледани од страна на нејзините матични лекари, што предизвика недоверба во здравствениот систем,“ пишуваат истражувачите од Торонто во списанието Plastic & Reconstructive Surgery-Global Open.

Феноменот „Pfizer boob job“

Истражувачите посочуваат на така наречениот феномен „Pfizer boob job“ – одредени жени тврделе дека градите им се зголемиле по примањето на вакцината, но нема докази што го поддржуваат тоа.

Според студијата, иако отокот на лимфните жлезди е „познат несакан ефект“ на вакцинацијата против КОВИД-19, промените во структурата или густината на ткивото на градите се „исклучително ретки“.

Ова е прв познат случај што поврзува вакцинацијата со состојбата наречена PASH (pseudoangiomatous stromal hyperplasia), ретка промена која предизвикува екстремно зголемување на градите. Само околу 20 случаи на PASH досега се документирани во светот.

„Ова е првиот случај што покажува временска поврзаност меѓу PASH-предизвикана гигантомастија и вакцина,“ додаваат истражувачите.

Детали за случајот

После операцијата за намалување

Пациентката почувствувала трнење во градите пред да почне нивното зголемување. Тестовите на хормоните во крвта не покажале никакви неправилности. Докторите ѝ препишале стероиди и антибиотици, но без успех.

По шест месеци, растот на градите запрел, но пациентката морала да се подложи на хируршка интервенција за намалување на градите пет месеци подоцна.

За време на операцијата, изгубила значителна количина крв, што ограничило колку ткиво може да се отстрани. По интервенцијата, нејзините гради се намалиле на двојна D корпа, но се разгледува можноста за нова операција за да се вратат на нормалната големина.

Авторите на студијата од Торонто повикуваат на понатамошни истражувања за да се утврди дали постои врска меѓу вакцината против КОВИД-19, состојбата PASH и брзиот раст на градите.