Доказ на љубовта? Пар сакале да докажат колку многу се сакаат, па си вградиле магнети под кожите што се допираат кога се близу

Сади Риандо и нејзината свршеница Хана Хансман, направиле чекор понатаму во својата врска со тоа што вградиле магнети под кожата кои се поврзуваат кога се допираат.

„Го користам имплантот речиси секојдневно за да се поврзам со Хана“, изјавила Риандо, креаторка на содржини од Масачусетс. Таа објасни дека магнетите не предизвикуваат болка и лесно се заборава дека се таму, а за нив тоа претставува и „забавен трик“.

Нивниот необичен модификациски подвиг стана вирален на социјалните мрежи, предизвикувајќи мешани реакции кај 2,6 милиони гледачи. Некои се шегуваа како би објасниле ваква модификација на аеродромска контрола, додека други ја пофалија идејата за нејзината уникатност и креативност.

Процедурата, која чини 1.000 долари, вклучува создавање мал простор под кожата и вметнување на магнетот со игла. Риандо објасни дека процесот бил брз и без компликации. Иако Хансман била првично нервозна, Риандо успеала да ја убеди со идејата за нивното поврзување, што ја направило подготвена да го прифати предизвикот.