Сопруга го фатила својот маж како ја изневерува, проверувајќи му ја „картичката за лојални клиенти“ од супермаркет

Австралиска приватна детективка откри детали за еден од нејзините најинтересни случаи поврзан со неверство на сопруг. Во видео објава на TikTok, Кас споделува како сопругата на клиентот побарала докази дека нејзиниот сопруг ја изневерува.

Семејството живеело во Квинсленд, но сопругот почнал често да патува во Нов Јужен Велс под изговор дека го посетува семејството — нешто што ретко го правел порано. Сопругата првично ги проверила нивните заеднички банкарски сметки, каде што забележала трансакции од супермаркетот „Coles“ и продавницата за алати „Bunnings“, но без конкретни локации.

По совет на Кас, таа ги проверила нивните заеднички картички за лојални клиенти и преку апликацијата „Flybuys“ ги открила точните локации на продавниците. Тие се наоѓале во предградие на Квинсленд, каде што живеела поранешната девојка на сопругот.

Во описот на видеото, Кас шеговито коментира: „10 долари попуст, но многу скап развод“. Нејзината компанија „Venus Investigations“ нуди услуги како проверка на минато, мобилен надзор и длабински истражувања на социјални мрежи за да им помогне на жените да се чувствуваат посилни во своите љубовни животи.

Гледачите во коментарите ги споделија своите искуства со откривање неверство. Една жена напиша: „И јас го фатив на истиот начин“. Друга се пошегува: „Се надевам дека ги задржа поените од картичките“.

Во друго видео, Кас дава совет за проверка на верноста на партнерот — едноставно побарајте го нивниот телефон под изговор дека вашиот е празен. Кога ќе ви го дадат телефонот, таа препорачува да го притиснете копчето за емотикони за да ги видите најчесто користените симболи. Во еден случај, жена открила дека партнерот неодамна користел емотикон со модар патлиџан, што го симболизира машки полов орган, иако никогаш не испратил таков до неа.

Доколку сакате добра акција или пак забегани и жестоки случки само за најхрабрите читатели, тогаш посетете го каналот Жестоко. Предупредување: Содржините може да ве вознемират!