Наставничка на годината: Правела домашна журка со алкохол со 100 ученици ама работите не оделе според планот

Наставничка од Флорида беше уапсена во петокот (24 јануари) откако организирала домашна забава на која околу 100 тинејџери пиеле алкохол.

Според New York Post, директорката на основното училиште „Рузвелт“, Елизабет Хил-Бродиган, заедно со друга учителка, Карли Андерсон, беа обвинети неколку дена по забавата што се одржала на 19 јануари. Некои од присутните пиеле алкохол што го земале од ладилници поставени во домот, а еден тинејџер бил хоспитализиран поради претерано консумирање алкохол.

Хил-Бродиган (47) наводно ги исклучила сите надворешни светла и побегнала во својот дом кога пристигнале итните служби за да му помогнат на болниот тинејџер.

Медицинските екипи морале да користат помошно осветлување од своите возила за да им асистираат на тинејџерите, додека друг малолетник бил уапсен за возење под дејство на алкохол во близина на домот, изјави полицијата.

Андерсон (45), исто така учителка во истото училиште како и Хил-Бродиган, пристапила до властите додека била под дејство на алкохол и изјавила дека е учителка и дека била на забавата, според полициските извештаи.

„Многу сме загрижени од овие обвинувања и целосно соработуваме со полициската управа на Кокоа Бич. Нашата посветеност на безбедноста на учениците останува наш врвен приоритет,“ соопштија од училиштата во округот Бревард. Локалните медиуми јавуваат дека двете жени се ставени на административен одмор.

Хил-Бродиган претходно ја освоила наградата „Учител на годината“ на локален натпревар и работела во училиштето повеќе од 23 години. „Учениците, семејствата и персоналот ми се многу важни, навистина уживам во она што го работам,“ напиша директорката минатата година во порака до учениците и родителите.

И Хил-Бродиган и Андерсон се обвинети за занемарување на децата и придонесување кон малолетничка делинквенција, според Florida Today. Директорката е дополнително обвинета за прекршување на законите за организирање забави со алкохол во дом.