Честитки БРАТ, победи жени… Трансродова атлетичарка се пофали дека ги „уништила“ женските ривалки на трката и покрај тоа што носела оштетени патики

Трансродовата атлетичарка Сејди Шрајнер, порано позната како Камден, се пофали со победата над група биолошки жени на колеџ натпревар во атлетика, иако носел патики на кои игличките за трчање речиси се отпаднати.

Шрајнер победи на трката викендот, оставајќи ја најблиската женска ривалка далеку зад себе. По трката, таа објави на Инстаграм: „Не ја добив трката што ја посакував оваа недела – игличките речиси ми паднаа на свиоците, а со лош старт времето не беше она што го сакав. Добрата вест е дека сезоната штотуку започна и ќе го дадам сѐ од себе на националното првенство.“

Победата на Шрајнер предизвика реакции, бидејќи критичарите истакнуваат дека трансродовите атлетичари имаат физичка предност поради ефектите на машкиот пубертет.

Чешката тениска легенда Мартина Навратилова, која е гласен поддржувач на ЛГБТК+ правата, но истовремено бара биолошките жени да учествуваат само во женските спортови, изрази незадоволство на Твитер: „Толку храбро и прекрасно…,“ напиша Навратилова, користејќи срамежливи и кловн-емотикони.

Во 2023 година, таа ја поддржа Светската атлетика за политиката што забранува трансродови жени да учествуваат на меѓународни женски натпревари, нарекувајќи го тоа „чекор во вистинска насока.“

Други корисници на интернет исто така ја критикуваа Шрајнер:

„Замисли да си маж и да се фалиш дека победуваш жени,“ напиша еден корисник.
„На некои луѓе спортот им е живот, а ваквите го уништуваат за нив,“ додаде друг.
„Честитки, друже. Победи жени. Огромно достигнување,“ иронично забележа трет.

Шрајнер, кој потекнува од Њу Џерси и се натпреварува за Рочестер институтот за технологија (RIT) во NCAA Division III натпревари, претходно се натпреваруваше во машка категорија во 2022 година, каде заврши на 19-то место. Сега, натпреварувајќи се како жена, постигнува многу повисоки пласмани.

Минатата година, тој во интервју за CNN ги сподели предизвиците со кои се соочуваат трансродовите атлетичари, повикувајќи на разбирање и поддршка.

Темата за учество на трансродови лица во спортовите стана политички наелектризирана, при што републиканците ја користат како централна точка во нивните кампањи. Поранешниот претседател Доналд Трамп вети дека ќе ги ограничи правата на трансродовите лица во спортовите, нагласувајќи дека ќе спречи „мажи да учествуваат во женските спортови.“

NCAA има политика која бара трансродови жени да поминат најмалку една година хормонска терапија за намалување на тестостеронот пред да бидат квалификувани за женски тимови. Во 2022 година, оваа политика беше ревидирана за да се усогласи со националните спортски организации.