„Се омажив за маж 43 години постар од мене – луѓето мислат дека сум со него за пари, но имаме потпишано предбрачен договор“

Имане Купе, 34-годишна девојка од Сан Диего, е со нејзиниот сопруг Лери Скот, 77-годишен сметководител, веќе речиси една деценија, откако се запознале преку интернет.

Но, поради огромната разлика во нивните години, Имане често се соочува со обвинувања дека има скриени намери. Иако признава дека нејзиниот партнер ја „разгалува“, таа инсистира дека вистинската љубов е тоа што ги држи заедно.

Парот од Сан Диего конечно ги демантираше гласините откако се венчаа кон крајот на годината, откривајќи дека и двајцата потпишале предбрачен договор.

„Луѓето претпоставуваат дека сум со Лери само поради неговите пари“, вели Имане, која е студентка со скратено работно време и актерка.

„Некои од негативните коментари што ги добивам онлајн се од типот: ‘Само го користи за неговите пари’ или ‘Таа е лезбејка и само го користи за неговите пари.’“

34-годишната додава: „Некои луѓе се обидуваат да намекнат дека нашата врска не е искрена. Но тоа воопшто не ме погодува. Ми е смешно и можам да разберам зошто луѓето би го помислиле тоа – сепак, тој е многу побогат од мене. Но, навистина ми е смешно што луѓето мислат дека би поминала 10 години со некого и би размислувала само на парите. Лери има прекрасно срце и речиси совршен карактер, и тоа е причината зошто сум со него. Ако беше милијардер, а немаше такви квалитети, немаше да бидам со него. И сепак, смешно ми е кога луѓе коментираат на ТикТок: ‘Девојко, знам дека сметките ти се платени,’ бидејќи тоа е вистина – никогаш не морам да се грижам дали ќе бидат платени сметките!“

И покрај коментарите дека е со партнерот само поради парите, парот потпиша предбрачен договор пред венчавката на 28 декември. Предбрачен договор е правен документ потпишан пред брак, кој ги утврдува условите за поделба на имотот во случај на развод – често се користи за заштита на личните финансии.

Имане објаснува: „Што се однесува до предбрачното, тоа беше идеја на двајцата без никакви дилеми. Главната цел е да се заштитат личните имоти за време на бракот и да се осигуриме дека, доколку некогаш се разведеме, и двајцата ќе бидеме заштитени. Лери сакаше да се погрижи и јас да имам свој адвокат за да нема недоразбирања. Иако разводот не е во план, сакаме да бидеме паметни и заштитени, бидејќи никогаш не знаеш што носи животот.“

Нововенчаните ја дочекаа новата година како брачна двојка, откако имаа скромна церемонија во својот дом само со најблиските.

Имане вели за нивниот посебен ден: „Имавме мала церемонија дома, а ќерката на Лери доби онлајн дозвола и нè венчаше. Сè беше направено во последен момент, но беше сè што можев да посакам и повеќе од тоа. Беше само ќерката на Лери со нејзиниот сопруг и децата. Еден од неговите внуци прочита прекрасна поема за брак, откако ги прочитавме нашите завети. Потоа наздравивме со чаша шампањ и јадевме мафини, па игравме семејна игра некое време и набрзо потоа си заминаа. Следниот ден имавме убава вечера во еден луксузен ресторан“.

Тие планираат голема свадбена забава во следните шест месеци за да го прослават со сите.

Нововенчаните моментално се на одмор во Хонг Конг и Тајланд, а имаат планиран меден месец во Санторини.

Имане и Лери се заедно веќе девет години, откако се запознале на страницата за запознавање eHarmony. Откако поминале години заедно, парот се свршил во 2023 година.

Имане вели: „На почетокот на нашата врска се поврзавме преку заедничката љубов кон патувањата.

„Само што го добив пасошот пред да го запознаам, а тој обожава да патува и веќе имаше испланирано неколку патувања. Во првите два месеци од нашата врска тој веќе го испланира нашето прво патување на Хаваи, а оттогаш посетивме 20 различни земји.“

Пред свадбата, Имане изјави: „Навистина сум возбудена што ќе се омажам за Лери. Ова се чувствува како единствена можност со најспецијалната личност што некогаш сум ја запознала и што некогаш ќе ја запознаам. Ова е една од најголемите обврски што некогаш сум ги преземала и знам дека носам добра одлука. Не мислам дека бракот ќе ги запре хејтерите и троловите. Тие ќе мразат и ќе тролаат без разлика дали сме во брак или не.“