Обожавателите на Доналд Трамп останаа вчудоневидени откако за прв пат ја слушнаа „вистинската смеа“ на претседателот

Фановите на Доналд Трамп се изненадени откако на X се појави старо видео од The Celebrity Apprentice, во кое првпат слушаат како звучи неговата вистинска смеа.

Во сцената, Трамп треба да стигне на финалето на петтата сезона и бара „најбрз возач на светот“. Пред Трамп Тауер го чека легендарниот Формула 1 возач, Марио Андрети, кој седи во болид.

„Драго ми е што си ти“, му вели Трамп пред да се качи, а Андрети му одговара: „Не грижи се, нема да ти ја расипам косата.“

Следува брзо возење низ Менхетен, при што Трамп извикнува: „Гази, доцниме!“ Кога конечно стигнуваат пред Музејот на природна историја, камерата го фаќа Трамп со разлетана коса и широка насмевка.

„Фала, Марио“, вели тој низ искрена смеа и додава: „Вау, свето с**ње.“

Коментарите на социјалните мрежи не изостануваат. Корисници на X забележуваат дека Трамп ретко изгледа толку природно весел. „Првпат го слушам како искрено се смее“, пишува еден корисник. „Лоша глума, но смеата беше вистинска“, додава друг.