Шефот на годината му подели на својот персонал 10 милиони долари за Божиќ

Новогодишните и Божиќните празници нудат мир, спокој и среќа, но оваа година среќата е најголема кај вработените во фирмата за недвижнини со седиште во Балтимор, „St. John Properties“. Со најава директно излезена од филм добронамерниот шеф Едвард Сент Џон ги изненади своите 198 вработени со заеднички бонус од 10 милиони долари на нивната Божиќна забава.

Во исто време вработените ги отвараат и индивидуалните пликови, а за некои од нив бонусот надмина и 270.000 долари. На оние кои работеле во компанијата подолго време им беа врачени поголеми бонуси, меѓутоа, просечната примена сума беше крајно весела – и без сомнение може да го промени животот, цели 50.000 долари.

И како да не беше доволно дарежливо, овој бонус беше даден покрај годишната исплата што секој од вработените ја добива во ова најмагично време од годината. Без сомнение, ќе има неколку раскошни трпези во Балтимор на 25 декември.

„За да го прославиме постигнувањето на нашата цел, сакавме да ги наградиме нашите вработени на голем начин што ќе има значително влијание врз нивните животи. Благодарен сум на секој наш вработен, за нивната напорна работа и посветеност. Не можев да замислам подобар начин да го покажам тоа.“, вели неверојатниот шеф, кој додава дека поводот за бонусот е рушење на целта на компанијата за продавање на 20 милиони квадратни стапки деловен простор.