Од сиромашно дете без вода за пиење до крипто цар: Животната приказна на Чангпенг Жао, основачот на Binance 

Од дете кое носело вода од бунар на рамената до визионер кој го изгради најголемиот крипто-екосистем во светот – животната приказна на Чангпенг Жао (познат како CZ) е инспиративен пример за тоа што може да се постигне со истрајност, храброст и визија. Во ова ексклузивно интервју, CZ отворено зборува за своето тешко детство, имигрантските предизвици во Канада, првиот контакт со Bitcoin, успесите и падовите на Binance, како и личните искуства со регулаторните битки и затворот. Ова не е само приказна за крипто – ова е приказна за човек кој не дозволи ниедна околност да го спречи да сонува големи соништа.

1. Прашање: CZ, многу луѓе те сметаат за еден од најуспешните претприемачи на денешницата, но малкумина знаат како почна твојата приказна. Каде порасна и какво беше твоето детство?

CZ: Роден сум во рурална Кина, во село каде немаше ниту струја, ниту вода. Се сеќавам дека како дете учев под светлина од ламби со масло. Водата ја носевме од бунар на 300 метри со две кофи и бамбусов стап на рамената. Подоцна се преселивме во мал град, а потоа и во Канада кога имав 12 години.

2. Прашање: Како изгледаше животот во Канада за вас како имигрантско семејство?

CZ: Моите родители беа наставници во Кина, но во Канада не важеше тоа. Мајка ми работеше во фабрика за шиење за минимална плата. Излегуваше во 7 наутро, се враќаше во 7 навечер. Не живеевме во сиромаштија, но бевме на дното на општеството. Сепак, никогаш немавме долгови.

3. Прашање: Кога за првпат се сретна со Bitcoin?

CZ: Во 2013 година. Бев 35 години. Кога го открив Bitcoin, веднаш сфатив: „Ова ќе биде поголемо од интернетот.“ Продадов се: станот, акциите, работата. Влегов целосно во крипто. Тоа беше силна внатрешна убеденост дека оваа технологија ќе го промени светот.

4. Прашање: Што те натера да веруваш толку длабоко во тоа?

CZ: Можеби животното искуство. Сум живеел во различни земји – Кина, Канада, Јапонија, САД. Секогаш кога менував пари, губев пари. Сфатив дека финансискиот систем е неефикасен. Со Bitcoin, можеш да испратиш вредност без посредници. Исто така, имам техничко знаење – уште во 1998 користев PGP енкрипција, па лесно ми беше да ја разберам технологијата.

5. Прашање: Како почна Binance?

CZ: Binance не беше нова идеја. Многу луѓе сакаа да прават берзи, но ние имавме тим и веќе изграден систем бидејќи претходно градевме платформа за други берзи. Кога во 2017 кинеската влада ги затвори сите наши клиенти, решивме: време е да направиме сопствена берза. Почнавме со 25 луѓе.

6. Прашање: Binance стана огромен за многу кратко време. Како го објаснуваш тој успех?

CZ: Бевме побрзи од другите. Во 2017 сите издаваа ERC20 токени, а ниту една берза не ги поддржуваше. Ние ги поддржавме први. Исто така, воведовме 24/7 корисничка поддршка. Порано луѓето чекаа по 2 месеци на одговор. Ние одговаравме во еден час.

7. Прашање: Колкав беше профитот во првата година?

CZ: Околу една милијарда долари.

8. Прашање: Тоа звучи неверојатно. Како се чувствуваше?

CZ: Не се занесував. Знаев дека цената на Bitcoin може да падне. Не ги претворавме приходите во долари, верувавме во иднината на крипто. Сакавме да имаме резерва за тешки времиња.

9. Прашање: Во 2019 Binance беше хакиран. Како се справивте со тоа?

CZ: Украдени беа 7.000 BTC – околу 40 милиони долари. Го затворивме повлекувањето една недела, но тргувањето продолжи. Се појавив јавно веднаш и објавувавме ажурирања на секои 2 часа. На крај, кога ги отворивме повлекувањата, луѓето депонираа уште повеќе – тоа беше знак на доверба.

10. Прашање: Како се справуваше со регулаторниот притисок, особено во САД?

CZ: По падот на FTX во 2022, луѓето беа загрижени за безбедноста на средствата. Во една недела повлекоа 14 милијарди долари од Binance, но ние тоа го издржавме. Подоцна, САД поднесоа тужби против мене и Binance. Доброволно отидов во САД, иако знаев дека ризикувам затвор. Не сакав да бегам. Повеќе сакав да се соочам со реалноста.

11. Прашање: На крај ти одлежа четири месеци затвор. Какво беше тоа искуство?

CZ: Неочекувано, првиот цимер ми беше осуден за двојно убиство. Но беше мирен човек. Најстрашно од сè беше неговото хрчење. (се смее) Но се разбравме. Никој не ме уценуваше. Се вклопив, се однесував скромно.

12. Прашање: Како се чувствуваше кога ја напушти компанијата што ја изгради од нула?

CZ: Беше тешко, но потребно. Binance е поголем од мене. Сакав компанијата да продолжи напред. Не жалам. Од дете што немаше вода, до лидер на индустрија – тоа е патување што не го очекував, но сум благодарен за него.

CZ останува симбол за визија, смелост и истрајност. Неговата приказна е потсетник дека скромното потекло не е пречка за големи сништа.