Ема Вотсон доби шест месеци забрана за возење — а причината е навистина смешна

По славата низ осумте филмови од „Хари Потер“, Ема Вотсон денеска привлекува внимание со сосема поинаква вест – доби шестмесечна забрана за возење поради прекршување на сообраќајните правила.

35-годишната британска актерка и активистка на 31 јули лани била фатена како своето сино Audi го вози со брзина од 60 километри на час на делница со ограничување од 50, во Оксфорд, Англија. По ова, не се појави на судењето, но беше казнета со 1,400 долари и забрана за возење.

На истиот ден, судот постапуваше и по предметот на Зои Вонамејкер – позната по улогата на судијка на Куидич Мадам Хуч – која возела 75 километри на час на пат каде што е дозволено само 65, во соседниот округ Беркшир. И таа доби казна од шест месеци забрана за возење и парична казна, идентично на казната на Вотсон.

Интересно е што и двете актерки веќе имале по девет казнени поени на своите возачки дозволи пред последните прекршоци. Судот им додаде по уште три поени за новите прекршоци, со што автоматски добија шестмесечна забрана според британскиот закон.