Дензел Вашингтон шокира: „Не гледам филмови. Воопшто.“
Двојниот оскаровец Дензел Вашингтон повеќе не ги гледа филмовите. Колку филмови имал во животот? Пресметката е лесна – ниту еден. Вели: „Не гледам филмови, човек. Навистина.“
Во искрен разговор за GQ со раперот A$AP Rocky и режисерот Спајк Ли, Вашингтон се насмевнува скромно и вели: „Не одам во кино. Не гледам филмови.“ На прашањето дали тоа е поради тоа што прави филмови, Дензел одговори: „Веројатно. Уморен сум од филмови.“
Спајк Ли се пошегува и го праша Дензел колку филмови има снимено. Одговор: „Премногу. Мислам 50.“ А кога Ли праша дали ги гледа сопствените филмови, Вашингтон одговори: „Ниту еден од нив, од почеток до крај.“
„Најдрагиот филм со Спајк? Немам омилен. Секогаш им велам на луѓето: ’Кој ти е омилен филм?‘ – ’Следниот. Не ме интересира минатото. Всушност, никогаш не сум го гледал ’Mo’ Better Blues’ од премиерата. Навистина не сум ги гледал ниту сопствените филмови од почеток до крај“, открива Дензел.
Следно за Вашингтон е големата Netflix акција „Here Comes the Flood“ каде ќе глуми заедно со англиските ѕвезди Роберт Патинсон и Дејзи Едгар-Џонс. Додека публиката ги чека неговите нови филмови, тој продолжува … да не ги гледа!
Коментирај анонимно