Шокантно откритие: Соединение од канабис откриено во сосема друго растение во Бразил
Научниците направија неверојатно откритие – канабидиол (CBD), популарната состојка на канабисот, е пронајден во сосема друга, вообичаена бразилска билка наречена Trema micrantha blume. Ова отвора сосема нов пат за производство на CBD, независно од забранетиот канабис.
Mолекуларниот биолог Родриго Мура Нето од Федералниот универзитет во Рио де Жанеиро објаснува дека CBD е откриен во плодовите и цветовите на растението Trema micrantha blume, кое расте низ цела Бразил и често се смета за коров. Тој истакнува: „Ова е легална алтернатива на користење канабис.“
CBD веќе се користи од дел од луѓето за третман на епилепсија, хронична болка и анксиозност. Најважно е што Trema micrantha содржи само CBD, но не и THC – соединението што предизвикува психоактивен ефект кај канабисот. Така, оваа билка може да се користи за легално добивање на CBD, без закани од законски и регулаторни пречки.
Научниот тим, под водство на Нето, доби грант од 500,000 реали (околу 96,000 евра) од бразилската влада за да го продолжи истражувањето. Планираат да ги прошират студиите, да ги утврдат најдобрите начини за екстракција на CBD од Trema micrantha и да ја анализираат неговата ефикасност за медицински третмани. Овој процес ќе трае најмалку пет години.
Глобалниот пазар за CBD се проценува на речиси 5 милијарди американски долари, а се очекува до 2028 година да порасне на над 47 милијарди долари. Ова откритие може да претставува голем пресврт во здравствената индустрија и производството на природни терапии низ целиот свет.
Коментирај анонимно