Паметната причина зошто портокалите секогаш се продаваат во црвени мрежести вреќи
Експерт за храна Мигел А. Луруења открива: портокалите речиси секогаш ги гледаме во црвени мрежести вреќи. Ова не е случајно – туку промислен маркетиншки трик кој влијае врз тоа како ги доживуваме боите на овошјето и нѐ поттикнува да го купиме.
Луруења објаснува дека ова е трик кој ја користи таканаречената Munker илузија – феномен по кој бојата на предметот изгледа различно во зависност од бојата на подлогата. Како што вели експертот: „Плодовите на средината изгледаат многу поинтензивно портокалови поради црвените линии над нив.“
Овој визуелен трик влијае на тоа овошјето да изгледа повкусно и поздраво – дури и ако во реалност не е толку свежо или зрело. Црвената боја ги засилува топлите тонови, како портокалова и жолта, а потрошувачите потсвесно избираат такви производи.
Мигел Луруења напомнува дека овој принцип не се применува само кај портокалите, туку и кај други свежи намирници – лимони, пиперки, авокадо, кромид, па дури и виолетов лук. Се користи за да ја засилат природната боја и да изгледаат попримамливо за купувачите.
Луруења советува: „Не верувајте им на вашите сетила. Читајте ги етикетите внимателно и купувајте овошје и зеленчук на вагa за да избегнете изненадувања.“ Ова е уште една потврда дека супермаркетите вешто ги користат нашите сензорни перцепции за да го зголемат профитот.
Коментирај анонимно