Црно пирамидално НЛО мистериозно прелета над САД среде бел ден и ја шокираше јавноста

На 8 септември, непосредно по 20 часот, жител на Трентон, Тексас, забележал чуден, бронзен триаголник што се движел на 30 метри над земјата. Сведокот успеал да снима видео, опишувајќи како објектот се појавил од дрворедот, светкал на рабовите и имал пирамидална форма додека кружел на небото повеќе од една минута.

Националниот центар за известување за НЛО (NUFORC) примил десетина пријави за слични објекти во Тексас во последните три недели. Без разлика што некои може да се балони, димензиите и движењето не се типични за такви предмети – некои биле долги до два метри и се движеле со брзина од 30–50 км/ч без звук.

Само оваа година пријавени се 20 случаи со триаголници што летаат безшумно – од бавни летови над градови, до големи објекти што исчезнуваат на височини од 10 километри. Во Њујорк било видено црно летало на 9.000 метри, а во мај друг сведок од Тексас пријавил летало големо како фудбалско игралиште со бледозелени светла.

Поранешниот американски безбедносен функционер Метју Браун, во април призна дека видел класифицирани извештаи што опишуваат контакт на воени бродови со вакви објекти над пацифичкиот океан. Според него, триаголен летачки објект се појавил од ништо над руските бродови. Тексас е еден од најголемите НЛО жаришта во САД, со повеќе од 6.500 пријави до NUFORC – веднаш по Флорида и Вашингтон, а води Калифорнија со речиси 17.000 извештаи.