Шок и страв во Америка – Епископ ги предупредува верниците да ги напишат тестаментите поради апокалиптично предвидување за иднината на САД

Содржина:

• Епископот ги потсетува на темната страна на историјата и ги повикува верниците на подготвеност
• Апел за конкретна подготвеност меѓу свештениците – изненадување со острината на пораката
• Власта реагира остро – предупредувања од Белата Куќа и јавно разјаснување на епископот
• Верските лидери повикуваат на христијанска грижа за ранливите – но без омраза

Епископот ги потсетува на темната страна на историјата и ги повикува верниците на подготвеност

Обраќајќи се во законодавниот дом на Њу Хемпшир, епископот Хиршфилд изјави: „Сега сме вклучени во ужасна борба која трае со милениуми. Веднаш штом христијанската црква се поврза со империјата од Константин во 325 година, веднаш стана корумпирана. Пораката на Исус за љубов, сочувство и посветеност кон сиромашните и отфрлените беше компромитирана. Го изгубивме тој глас и сега, верувам, влегуваме во нова ера на мачеништво. Рене Гуд е последната од овие маченици.“

Трагедијата во Минеаполис ги отвора старите рани – реакциите во општеството не стивнуваат.Според американските власти, агентот Џонатан Рос пукал во самоодбрана додека стоел пред возилото на Рене Никол Гуд, откако нејзиниот теренец почнал да се движи кон него. Тоа објаснување беше силно оспорено од градоначалникот на Минеаполис Јакоб Фреј и гувернерот на Минесота

Тим Валц кои се повикаа на видео снимки од инцидентот.
Тој ги спомна историите на духовни водачи кои ги ризикувале своите животи за да ги заштитат другите, меѓу кои и студентот по богословија Џонатан Даниелс убиен во Алабама во 1965 година додека штител афроамериканска активистка за граѓански права.

Апел за конкретна подготвеност меѓу свештениците – изненадување со острината на пораката

Епископот откри дека ги повикал свештениците да ги средат своите работи: „Им реков на свештениците од нашата епископална дијацеза дека можеби влегуваме во истиот сведошки момент. И ги замолив да ги подготват своите тестаменти, бидејќи можеби веќе не е време само за изјави, туку за телесно ставање меѓу силните на овој свет и најранливите.“
Продолжи: „Животот што Бог го сака за нас е посилен од она што го гледаме: суровоста, неправдата, ужасот, како оној во Минеаполис… Ако сакам целосно да живеам, морам да верувам дека Бог секогаш ќе ме заштити и ќе ме воскресне, како што верувам дека сега Го возвишува и Рене Гуд.“

Власта реагира остро – предупредувања од Белата Куќа и јавно разјаснување на епископот

Белата куќа јавно го осуди говорот на епископот. Портпаролката Абигејл Џексон изјави: „Никој не треба да следи совети кои ги поттикнуваат да вршат кривични дела. Секој што ќе попречува федерални агенти ќе биде санкциониран според законот.“
Хиршфилд пак одговори: „Никогаш не сум поддржувал криминално однесување, особено акти на насилство. Станува збор само за мирен, ненаcилен отпор против тие што, без причина, го загрозуваат животот или телесниот интегритет.“

Верските лидери повикуваат на христијанска грижа за ранливите – но без омраза

Последниве недели, неколку верски лидери ги повикаа христијаните да ги заштитат ранливите во време кога засилени се акциите против имигрантите. Меѓу нив, поглаварот на Епископалната црква Шон В. Роу изјави: „Ќе продолжиме да даваме сведоштво, да правиме пробив, да се грижиме и засолнуваме за имигрантите и бегалците, затоа што тие се возљубени кај Бог, и без нив не сме целосна црква.“
Во Минесота, бискупот Крег Лоја порача: „Нема да одговориме на омразата со омраза. Ќе го преобразиме светот со љубовта на Исус.“