Паника околу потенцијалното протекување на тајните дневници на Хју Хефнер со скандалозни фотографии и интимни детали

Содржина:

• Албумите содржат илјадници голи фотографии, можно и слики на малолетнички и жени без согласност
• Страв од масовно протекување поради дигитализација и лошо чување: Илјадници животи во опасност од една безбедносна грешка
• Вдовицата на Хефнер исфрлена од фондацијата и поднесува тужби поради загриженост за интимните материјали
• Освен илјадниците албуми, фондацијата ги чува и личните дневници на Хефнер со експлицитни детали и имиња
• Кристал Харис го напушта минатото: Јавни судири со синовите на Хефнер и живот по Плејбој

Албумите содржат илјадници голи фотографии, можно и слики на малолетнички и жени без согласност

„Критично е јавноста да разбере дека не зборувам за слики објавени во магазини. Фокусот е на тоа како личните албуми на Хју Хефнер ги документираат приватните моменти кои се случиле зад затворени врати“, изјави Харис. „Постојат сериозни и нерешени прашања околу обемот на тоа што содржат тие албуми. Материјалите опфаќаат децении, почнувајќи од 1960-тите, и може да содржат слики на девојки кои биле малолетни во тој период и не можеле да дадат согласност за тоа како нивните фотографии ќе бидат задржани или контролирани.“
Таа дополнува: „Можеби има и фотографии на жени кои воопшто не дале согласност да бидат фотографирани. Албумите содржат голи фотографии, слики направени пред и по сексуални активности и други длабоко интимни моменти.“

Страв од масовно протекување поради дигитализација и лошо чување: Илјадници животи во опасност од една безбедносна грешка

Албумите се чуваат во складиште во Калифорнија, но Харис тврди дека ѝ било кажано дека дел од нив би можеле да се наоѓаат во приватен дом за скенирање и дигитализација. „Длабоко сум загрижена дека овие слики би можеле да излезат во јавност. Вештачка интелигенција, дипфејкови, дигитално скенирање, онлајн пазари и хакерски напади – една безбедносна грешка може да уништи илјадници животи“, ја изразува загриженоста Харис.
Таа додава: „Ова не е историска документација. Ова е каталогизација и објективизација на најприватните детали од животите на жените.“

Вдовицата на Хефнер исфрлена од фондацијата и поднесува тужби поради загриженост за интимните материјали

Харис тврди дека била замолена да поднесе оставка од одборот на фондацијата Хју М. Хефнер кога почнала да алармира за фотографиите, а потоа еднострано била отстранета како извршен директор и претседател. Харис веќе поднесе претставки до јавните обвинителства на Калифорнија и Илиноис со барање да се истражи како се чуваат и ракуваат сликите.
Таа истакнува: „Ова не е за пари. Се борам за достоинство, безбедност и уништување на материјали снимени без согласност, за да не се продолжи експлоатацијата покриена зад маската на филантропијата. Илјадници жени може да бидат засегнати.“

Освен илјадниците албуми, фондацијата ги чува и личните дневници на Хефнер со експлицитни детали и имиња

Покрај илјадниците албуми, фондацијата поседува и личен дневник на Хефнер. Според Олред, дневникот содржи „длабоко лични информации за неговите сексуални активности, имиња на жени со кои спиел, белешки за сексуалните чинови и во некои случаи – следење на менструалните циклуси на жените.“

Кристал Харис го напушта минатото: Јавни судири со синовите на Хефнер и живот по Плејбој

Харис која скандалозно се омажи за основачот на Playboy во 2012 година, кога таа имаше 26 а тој 86 години, беше во брак со него до неговата смрт. По обелоденувањето на нејзината автобиографија “Само кажи добри работи: Преживеј Плејбој и најди се себе” во 2024, Харис изнесе бројни шокантни тврдења, вклучително и тоа дека никогаш не го сакала Хефнер и се чувствувала затворена во бракот. Таа неодамна имаше јавен конфликт со неговите синови, посебно со Марстон кој ја нарече „контролирачка“ и „главен манипулатор“ и ја праша: „Ако не те интересира славата, зошто купуваш следбеници на Инстаграм?“.
Во обид да одговори на овие обвинувања, таа изјави: „Очигледно е дека тој сѐ уште чувствува многу болка и повреда од односот или недостатокот на однос со својот татко. Постојат работи на кои се обидува да најде одговор, што можеби никогаш нема да ги дознае и затоа пополнува празнини.“ Харис исто така јавно се судри и со поранешната вереница на Хефнер, Холи Медисон, а денес работи како агент за недвижности и е свршена со претприемачот Џејмс Вард.