Брзиот гурмански хит кој го освои интернетот: Бриош пица што ја топи душата и гладот!
Доколку ви треба нешто топло, меко и заситно што не бара многу работа во кујна, бриош пицата е идеалниот избор. Иако по името потсетува на класична пица, всушност се работи за богато, воздушесто тесто полно со сирење, кое е крцкаво однадвор, а неверојатно меко и сочно внатре. Комбинацијата од стопено кашкавалче и солено сирење фета дава богат вкус кој ќе им се допадне и на најпребирливите.
Она што ја прави оваа бриош пица посебна е што се приготвува навистина лесно. Активниот дел од подготовката трае само десетина минути, додека остатокот од времето тестото мирува и се пече. Идеална е како брз ручек, вечера или грицка, а може да се понуди и на гости. Одлично се комбинира со свежа салата, чаша јогурт или кисело млеко.
Содржина:
Состојки за совршено меко и вкусно тесто и неодолив фил од сирење
За тестото ви се потребни:
– 200 мл млако млеко
– 1 јајце
– 3 лажици масло
– 1 лажица шеќер
– 1 лажичка сол
– 1 кесичка сув квасец (7 г)
– Околу 600 г брашно (можеби и уште 1 лажица по потреба)
За фил:
– 300 г рендан кашкавал
– 150 г фета сирење (издробено)
За премачкување:
– 1 жолчка
– ситно сечкан млад кромид или магдонос по желба за посипување
Подготовката е едноставна: Од месење до печење за само неколку чекори и малку време
Во голем сад сипете млако млеко – внимавајте да не биде жешко, за да не го уништи квасецот. Додајте масло, јајце, шеќер, сол и сув квасец. Измешајте со лажица или маталка додека се изедначи и квасецот се раствори.
Постепено додавајте брашно и мешајте додека не добиете меко тесто што се одделува од страните на садот, но е сè уште малку лепливо. Ако треба, додадете уште лажица брашно. Покријте го садот со крпа или фолија и оставете да стаса на топло 20-30 минути, додека не се удвои во волумен. Овој чекор е клучен за воздушеста структура.
Филување и оформување: Сочен внатрешен дел и крцкава златна кора
Додека тестото расте, подгответе го филот: измешајте рендан кашкавал и дробена фета во сад, поделете на два дела за подоцна. Кога тестото ќе нарасне, ставете го на набрашнета работна површина, премесете кратко за да излезе вишокот воздух и оформете топка. Со прсти оформете круг околу 30 см во дијаметар.
Ставете еден дел од филот во средината. Соберете ги рабовите кон средината како завиткување и добро спојте, за да не истече сирењето при печење. Превртете го тестото, така што спојот да биде подоле, и повторно раширете го во круг со слична големина. Ставете го на плех со хартија за печење. Одозгора намачкајте жолчка и наросете го другиот дел од сирењето.
Печете до совршенство: Совети за совршено растопено сирење и златна кора
Печете во претходно загреана рерна на 180°C околу 20 – 25 минути, додека не порумени и додека сирењето не се растопи и запече нежно. По печење, извадете ја бриош пицата и оставете да мирува 15-20 минути пред сечење, за сирењето да стане покомпактно и рабовите да бидат убави. По желба, посипете сечкан млад кромид или магдонос за свежина и арома.
Коментирај анонимно