Втора Сфинга пронајдена во Египет – скениеања откриваат огромна подземна мегаструктура досега невидена од човекот

Содржина:

• Докази за симетрија – истражувачите детектирале идентичен рефлектиран објект преку скенови под платото Гиза
• Сателитска радарска технологија открива масивна структура под насип висок 33 метри од зацврстен песок
• Истражувачите најавуваат огромна мегаструктура под целиот комплекс на Гиза
• Стелата за Сфингата: древен запис што прикажува две сфинги и скриена порака од фараонот Тутмос IV
• Теоријата за втората Сфинга не е нова – постои уште од пред повеќе од 10 години во научната јавност
• Точни геометриски симетрии откриваат втора точка – баш под насипот од зацврстен песок
• Бионди: Сè уште се потребни теренски истражувања и одобрение од египетските власти пред ископувањето

Докази за симетрија – истражувачите детектирале идентичен рефлектиран објект преку скенови под платото Гиза

Филип Бионди го објави откритието, објаснувајќи дека линиите исцртани од пирамидите до познатата Сфинга укажуваат на идентична, огледална локација каде што се претпоставува дека се наоѓа закопаната структура. „Откриваме прецизни геометриски корелации, 100 проценти совпаѓање во симетријата,“ изјави Бионди. „Многу сме уверени да го соопштиме ова… имаме околу 80 проценти сигурност.“

Сателитска радарска технологија открива масивна структура под насип висок 33 метри од зацврстен песок

Користејќи сателитска радарска технологија што детектира суптилни вибрации во земјата, Бионди тврди дека под насип од околу 33 метри височина лежи масивна структура од зацврстен песок, а не од природна карпа. Почетните скенови прикажуваат вертикални шахти и премини речиси идентични на оние што се веќе познати под оригиналната Сфинга, а густите вертикални линии се верува дека се цврсти sидови на подземни шахти, а не празнини.

Истражувачите најавуваат огромна мегаструктура под целиот комплекс на Гиза

Покрај втората Сфинга, Бионди верува дека откритијата упатуваат на нешто уште поголемо – обемен подземен комплекс под целото плато Гиза. „Под платото Гиза има нешто многу големо што го мериме,“ нагласи Бионди. „Тоа е подземна мегаструктура.“

Стелата за Сфингата: древен запис што прикажува две сфинги и скриена порака од фараонот Тутмос IV

Стелата за Сонуваното, или Стела на Сфингата, е поставена меѓу шепите на Големата Сфинга од фараонот Тутмос IV околу 1401 година п.н.е., за време на XVIII династија. Легендата вели дека стелата го оправдувала ненадејното искачување на Тутмос IV на престолот преку сон во кој Сфингата му го ветила тронот за возврат ако го реставрира споменикот. Но, Бионди и тимот сметаат дека приказот на две фигури не бил симболичен туку реален доказ за двоен распоред на спомениците.

Теоријата за втората Сфинга не е нова – постои уште од пред повеќе од 10 години во научната јавност

Италијанскиот тим не е единствениот што сугерира постоење на втора Сфинга. Египтологот Басам Ел Шама ја покрена оваа теорија пред повеќе од една деценија, потпирајќи се на египетски записи и митови за Сфингата погодена од гром, на кои се гледа како на можен втор споменик уништен подоцна. Бившиот министер за антиквитети Захи Хавас ги отфрли овие теории, тврдејќи дека регионот бил темелно ископан без пронајдени докази.

Точни геометриски симетрии откриваат втора точка – баш под насипот од зацврстен песок

Бионди објасни дека кога исцртале права линија од центарот на Хафра пирамидата до постоечката Сфинга, добиле прецизна геометриска траса. Истото, од центарот на Големата Пирамида, укажува на локација од другата страна на платото, токму таму каде што последните скенови покажуваат дека втората Сфинга може да се наоѓа под песокот.

Бионди: Сè уште се потребни теренски истражувања и одобрение од египетските власти пред ископувањето

„За втората Сфинга важно е да се влезе на терен со геолози и внимателно да се проучи насипот,“ вели Бионди. Тимот веќе подготвува формален проект со специјално означени шахти што би можеле да се користат како влезови, меѓу нив и една со блокада од рушевини што може лесно да се отстрани и да даде пристап до пошироката подземна мрежа под платото.