Рецепт за домашно чоколадно млеко од јаткасти плодови
Додека полиците се преполни со разни купени чоколадни млека, малкумина се прашуваат што точно внесуваат во своето тело. Индустриските производи најчесто се полни со рафиниран шеќер, згуснувачи, адитиви, вештачки ароми и конзерванси. Овие состојки ја подобруваат текстурата и го продолжуваат рокот, а хранливата вредност е жртвувана. Домашното чоколадно млеко од јаткасти плодови е природна и хранлива алтернатива, без скриени изненадувања.
Содржина:
Состојки за вкусно и здраво домашно чоколадно млеко од јаткасти плодови
Потребни се само неколку состојки кои се лесно достапни и целосно природни:
– 50 грама ореви
– 50 грама сурови индиски ореви
– 8 урми (околу 80 грама)
– 2 лажици какао
– 500 мл вода
Од оваа комбинација се добива околу 1,3 – 1,4 литри домашно чоколадно млеко.
Начин на подготовка: лесно, брзо и без компромиси со вкусот
Сите состојки се ставаат во блендер. Смесата се блендира додека да стане целосно мазна и хомогена. Ако сакате потенко млеко, додадете уште вода по ваша желба. Добиениот пијалак е одлично заситувачки и хранлив, без никакви хемикалии.
Зошто ова чоколадно млеко е вистинскиот избор за вас и вашето семејство
Оваа природна верзија на чоколадно млеко е соодветна за пости, погодна за вегани и вегетаријанци, без лактоза и затоа соодветна за луѓе со интолеранција. Покрај богатата текстура, рафиниран вкус и заситувачка моќ, ова млеко ќе го снема од вашиот фрижидер за неколку часа – не затоа што се расипува, туку затоа што се консумира со брзина на светлината!
Коментирај анонимно