Почнавме пред 20 години и ја освоивме Македонија. Денес Мотика тргнува да го освои светот

Пред 20 години, Мотика беше идеја. Денес, Мотика е бренд што секој Македонец го знае.

20 години правевме нешто едноставно, но тешко: бевме тука секој ден. Со вести, со хумор, со вашите стории. Се сменија четири влади, две финансиски кризи, и една пандемија – Мотика остана. Стана дел од секојдневието. Дел од јазикот.

Името не го менуваме

Ниту денес, ниту утре. Бидејќи името Мотика е заработено, не дадено. Денес секој Македонец знае што е Мотика. Утре секој човек во светот ќе научи што значи македонскиот збор Мотика.

Вака изгледаше првото лого на Мотика во 2006:

Ова е новото лого:

Денес направивме Апликација за следните 20 години

Со новата Motika.io правиме нешто што не се случило досега во регионот: платформа каде што и гледачот заработува, и креаторот заработува, а не само медиумот. Македонски тим, македонска идеја, светска амбиција.

Ние сме мала земја. Но мали земји направиле големи работи. Шведска му го даде на светот Spotify. Холандија го даде Booking. Естонија – Wise. Македонија ќе му даде Мотика.

Ви благодариме што бевте со нас 20 години. Следните 20 ги почнуваме денес. И овој пат, нема да ја освојуваме само Македонија.

Среќен 20-ти роденден Мотика.