Среброљубците почнаа да си ги вадат очите: Бугарија плаќа за „борба” во Македонија, а „борците” зинале за пари и се касаат меѓу себе

Постои феномен кој не е нов во македонската историја. Некој одлучи дека може да заработи пари претставувајки се дека е нешто друго. Историски тоа ни чинеше многу. Денес изгледа дека историјата се повторува, само со поинакви играчи и со трансфери преку банкарски сметки наместо преку коверти.

Но понекогаш играчите сами почнуваат да зборуваат. И кога тоа ке се случи, подобра анализа не може да се нарача.

Сам си призна, само слушајте го внимателно

Во видеото кое ви го прикажуваме на крај, активист поврзан со такаканечена „Фондација Македонија” со финансирање од Бугарија, сам изговара неколку работи кои вредат да се слушнат внимателно.

Прво признание: Бугарија финансиски поддржува медиуми во Македонија. Не е тоа наша интерпретација. Тој самиот рече, буквално, „медии на кои помагаме.” Во контекст на целото видео, јасно е дека „помагаме” значи плаќаме. Медиуми во Македонија примаат пари за да објавуваат одредена содржина. Тоа е директно речено од човекот кој тврди дека ги координира тие активности.

Второ признание: Луѓето кои земале пари почнуваат да се повлекуваат. Активистот го опишува со бес: луѓе кои јавно давале изјави, кои јавно говореле за бугарска Македонија, пред македонски медиуми и во бугарскиот парламент, после тоа почнале да го молат, па да го заплашуваат да ги брише тие изјави. Некои го сториле тоа откако добиле само три закани онлајн.

Во кратки црти: Бугарија плаќа. Некои од тие кои земаат пари, кога ке се притиснат од јавноста, брзо исчезнуваат.

Зошто ова видео постои? (наша претпоставка)

Ова видео не е наменето за македонска публика. Тоа е намнето за бугарска публика. Пораката кон Бугарија е јасна: „Еве кои „активисти“ заслужуваат пари, а еве кои само ги земаат и се кријат.”

Со тоа, самиот „активист“ ни го открива целиот механизам. Постои мрежа. Таа мрежа се финансира. Некои добиваат пари за активизам, други за медиуми. А кога финансирачите во Софија ќе го видат ова видео, ке знаат кон кого да го насочат следниот трансфер.

Тоа не е борба за идеали. Тоа е пазар.

Среброљубците почнаа да си ги вадат очите

Она за кое е навистина сеирџиски во ова видео е бесот. „Активистот“ е искрено лут. Не поради Македонија, не поради историјата, не поради права. Лут е поради тоа дека другите земаат пари и не испорачуваат.

Лапаат, па бегаат. Земаат, па се кријат.

Тоа е, во суштина, главната жалба. И таа жалба разоткрива сè. Кога борбата за „идеали” е всушност борба за буџет, кога среброљубците почнуваат да си ги вадат очите еден на друг, вистината излегува на виделина.

Македонија ова го знае одамна. Историјата познава такви луѓе. Новото е само тоа дека овојпат се снимаат сами и сами ги кажуваат условите на договорот.

Ова е видеото, слушнете од негова уста:

Смеењето е најслатко кога е на своја сметка. Дознајте какви несекојдневни работи се случуваат во секојдневниот живот на Македонците на каналот Македонски несекојдневни ситуации. Испратете своја смешна слика или видео овде.