Постои плажа во Трст, на која уште од 1903 е забрането мешање на мажи и жени со ѕид од 3 метри. Вака изгледа капењето на плажата Ел Педочин.
Во Трст, „Бањо Марино Ла Лантерна“, меѓу локалците позната како „Ел Педочин“, постои од 1903 година и важи за една од најпопуларните плажи за сончање во градот. Но, истовремено е и една од најспорните. Причината е едноставна и видлива уште од првиот поглед: ова место се смета за последната родово одвоена плажа во Европа.
Содржина:
Кога одвоените плажи биле правило, не исклучок
Во раните и средните децении на 1900-тите, плажите одвоени според пол не биле ништо необично. Биле замислени за да се зачува женската скромност, овозможувајќи им на жените да носат послободни костими за капење без да привлекуваат внимание. Но, како што тие општествени норми исчезнувале, таквите плажи буквално ги уривале бариерите меѓу мажите и жените. Сите, освен една: Педочин во Трст.
Ѕидот продолжува и во плитката вода на Јадранското Море
Од едната страна се жените, од другата мажите, а разделбата не завршува на брегот. Бетонската преграда навлегува и во плиткото море, по што, ако сакаат, мажите и жените можат слободно да се дружат. Но, делот со камчиња на плажата е забранет за спротивниот пол. Локалните власти одржуваат одвоени влезови и наплаќаат по 1,20 евра од лице.
Една жена преминала на машката страна и расправијата стигнала до светските медиуми
Иако повеќето локалци го сметаат Ел Педочин за важен дел од историјата и културата на градот, плажата одвреме-навреме предизвикува жестоки реакции. На почетокот на месецот, таа се најде во меѓународните наслови откако една жена влегла во бурна расправија со мажите, откако се нашла на нивната страна од плажата.
„Вие сте група сексистички простаци. Ова е форма на дискриминациjа. Срам да ви е“, наводно им викала жената на мажите кои се обидувале да ja вратат на женската страна.
Според некои извори, таа само сакала да му помогне на сопругот да го пресоблече нивниот син со попреченост, пред да се врати назад кај жените. Но, тоа не им значело многу на другите мажи.
„Ниту еден Трстинец не сака да го отстрани тој ѕид!“
Жената била изведена пред расправијата да прерасне во тепачка, но случаjот отвори жестока дебата околу идеjата за родово одвоена плажа во Европа во 21 век. За едни, самата замисла звучи средновековно. За многу жители на Трст, пак, Ел Педочин и неговиот бетонски ѕид се дел од градскиот идентитет.
„Не е од средниот век! Тоа е дел од историjата на Трст. Ниту еден Трстинец не сака да го отстрани тој ѕид!“ напиша една локална жена на X.
„Педочин е дел од традициите на Трст. Сега е жртва на културата на откажување,“ друг локалец го бранеше Ел Педочин.
Коментирај анонимно