Трансродов студент од Флорида уапсен по бурен испад затоа што полицаецот му се обратил со „погрешен“ род

Видео од полициска камера снимено во февруари 2025 година, а објавено деновиве, стана вирално на социјалните мрежи. На снимката се гледа 27-годишниот Џарет Вик, тогашен студент на Универзитетот во Централна Флорида (UCF), како влегува во жестока расправија со полицаец, откако тврди дека бил ословен со погрешен род.

Според полицијата, службениците првично биле повикани поради друг инцидент во кампусот, но ситуацијата ескалирала кога студентот почнал гласно да вика и да бара полицаецот да ги користи неговите преферирани заменки. На снимката се слуша како извикува: „Кажете ‘таа’! Само користете ја правилната заменка!“

По повеќекратни предупредувања да се смири, полицијата употребила бибер-спреј, а подоцна и електрошокер, откако, според официјалните информации, студентот се обидел да ги удри и клоца полицајците. Тој бил уапсен и обвинет за напад врз полициски службеник, давање отпор при апсење и нарушување на јавниот ред и мир. Подоцна се изјаснил дека не е виновен, а судскиот предмет во меѓувреме е затворен.

Снимката предизвика бројни реакции на социјалните мрежи, при што едни сметаат дека полицијата непотребно ја ескалирала ситуацијата, додека други оценуваат дека однесувањето на студентот било причина за интервенцијата.

Доколку сакате добра акција или пак забегани и жестоки случки само за најхрабрите читатели, тогаш посетете го каналот Жестоко. Предупредување: Содржините може да ве вознемират!