Интимната свадба на Кристијано Роналдо и Георгина Родригез: Се венчаа во дневната соба пред своите пет деца, а тој беше во обична маица

Содржина:

• „Во 30 години сакам децата да помислат, нешто прекрасно се случи на оваа маса“
• Гучи како „затворен круг“ од продавницата во Мадрид до венчавката дома
• По заветите заминале во Светилиштето на Пресвета Богородица од Фатима, на еден час од домот
• На Инстаграм објави само бурми и напиша „C❤️G.“
• Долорес, Хуго, Елма и Катија не биле во Кашкаиш
• Предбрачниот договор бил потпишан на 10 август, еден ден пред церемонијата

„Во 30 години сакам децата да помислат, нешто прекрасно се случи на оваа маса“

Георгина објасни за Вог во летното дигитално издание на магазинот: „Избравме да го направиме тоа во дневната соба на нашата кука овде, каде што појадуваме, ручаме и вечераме, и каде што ја живееме реалноста на нашите животи…
„Во 30 години сакам децата да помислат, нешто прекрасно се случи на оваа маса – свадбените завети на нашите родители.
„Кога бев мало девојче сонував за најголемиот замок, најголемата кочија, најдолгиот фустан, круна полна со дијаманти. А сега велам: не. Сакам нешто интимно, со мојот партнер и нашите деца, дома.“
Сепак, таа во интервјуто вети дека во иднина ке имаат „голема свадба“ за да прослават со поширокото семејство и пријателите, но не откри повеќе детали за плановите.

Гучи како „затворен круг“ од продавницата во Мадрид до венчавката дома

Уште еден изненадувачки елемент од денот бил изборот на облека. Двојката објасни дека причината што и двајцата носеле Гучи е тоа што пред сите тие години се запознале токму во продавницата на Гучи во Шпанија.
Тие ја нарекоа идејата момент на „затворен круг“.
Георгина носеше проѕирна бела кошула и здолниште, сатенски чевли и блескав дијамантски накит од Шопар.
Кристијано, пак, за големиот ден носеше специјално изработен светлобеж памучен костум, маица и мокасини. Децата сите носеа усогласена облека.
„Тој нема да нe маскира,“ објасни Георгина. „Не сакав да влеземе во ден кој за нас беше толку едноставен во костими.“

По заветите заминале во Светилиштето на Пресвета Богородица од Фатима, на еден час од домот

 

По домашната церемонија, тие се одвезле до Светилиштето на Пресвета Богородица од Фатима, каде свештеник им дал благослов.
Двојката нема да оди на меден месец и веќе се вратила во Саудиска Арабија, каде што Роналдо игра фудбал.
Тие заедно ги имаат ќерките Алана и Бела, а близнаците Ева Марија и Матео ги добија преку сурогат мајка.
Бела имаше брат близнак по име Ангел, но тој, за жал, почина кратко по раѓањето. Роналдо има уште едно дете, Кристијано Јуниор, од претходна врска.

На Инстаграм објави само бурми и напиша „C❤️G.“

Фудбалерот сподели дека тој и Георгина се венчале по десет години заедно, објавувајки фотографија од нивните венчални прстени на Инстаграм.

Во описот на објавата напиша: „C❤️G.“

Претставник на Роналдо, исто така, ја потврди веста за бракот, велејки: „Кристијано Роналдо и Георгина Родригез се венчаа денес на граѓанска церемонија во Кашкаиш, Португалија, и сега официјално се сопруг и сопруга.

„Церемонијата беше приватен и интимен момент на кој присуствуваа нивните пет деца.“
Жорнал де Нотисијас доцна во четвртокот објави копија од венчалниот лист на двојката, наведувајки дека присутни биле само четворица сведоци, како и нивните деца.

Долорес, Хуго, Елма и Катија не биле во Кашкаиш

Мајката на Кристијано, Долорес Авеиро, и неговите тројца браќа и сестри, Хуго, Елма и Катија, не биле присутни на интимната граганска церемонија.

Според локален извештај, неговото семејство дознало дека се жени со долгогодишната девојка само неколку моменти пред тој да се венча со Георгина.

Португалската телевизиска водителка Кристина Фереира тврдеше дека отсуството на семејството на фудбалерот од неговиот голем ден ќе „предизвика проблеми“.

Говорејќи во програмата на ТВИ „Dois at ten“, таа рече: „Ќе предизвика многу проблеми бидејки семејството не беше присутно.

„И тие дури не требало ни да знаат. Или ако знаеле, тоа било 30 секунди претходно.“
Клаудио Рамос додаде во програмата: „Навистина се надевам дека тоа што го кажавме овде, што беше поврзано со впечатоците што ги добиваме од она што постои на социјалните мрежи, всушност не предизвикало тага во семејството, дека работите не биле така како што очигледно изгледаат.“

Предбрачниот договор бил потпишан на 10 август, еден ден пред церемонијата

Ѕвездениот пар, кој се венча точно една година откако на истиот ден ја објави свршувачката на социјалните мрежи, одлучил да ги задржи одвоени своите имоти стекнати пред бракот, иако се венчаа по децениска романса.
Тие потпишале предбрачен договор за да го дефинираат својот имотен режим на 10 август, еден ден пред церемонијата, во канцеларија на јавен нотар во Лисабон.